Elbasan/ Protesta e banorëve të Gurit të Zi për problemin e strehimit - (14 Dhjetor 2005)

Описание: Lajme arkiva 2005

200 banorë të Gurit të Zi dhe Sericës të rrethit të Elbasanit kërcënojnë se do të hyjnë në grevë urie deri në zgjidhjen e problemit të strehimit, pasi prej 2 vjetësh jetojnë në çadra. Shtëpitë e tyre u dëmtuan për shkak të rrëshqitjeve masive të tokës në mars të vitit 2003. Banorët kanë kërkuar ndërhyrjen e një shtetit për gjetjen e një strehe, por si përgjigje kanë marrë vetëm disa çadra ushtarake.

Një përfaqësi e tyre ka protestuar përpara prefekturës Elbasan dhe ka kërkuar zgjidhje emergjente të problemit, pasi reshjet dhe temperaturat e ulëta mund të kenë pasoja të rënda për jetën.

“Jemi 28 familje që janë shemb qysh në vitin 2003 dhe deri më sot prej 3 vjetësh kanë ardhur mediat.”

Përfaqësuesit e pushtetit vendor në Elbasan pohojnë se janë në dijeni të problemit dhe do ja paraqesin atë vetë kryeministrit Berisha.

“Meqenëse reshjet e fundit kanë krijuar një emergjencë shumë të madhe në këto fshatra, neve do i çojmë një shkresë tjetër Ministrisë të Brendshme dhe për dijeni kryeministri shqiptar të marri masa urgjente për të ndihmuar këto banorë që janë në rrezik shumë të madh.”

Banorët e këtij fshati fantazmë jetojnë në kushtet nga më të vështirat, me miell veresie që e marrin në dyqanin e qendrës të Komunës. Për infermierë apo mami nuk bëhet fjalë. Qendra shëndetësore nuk dihet se ku është fundosur. Të ftohtët dhe ushqimi i pakët thuajse tek të gjithë fëmijët ka shkaktuar sëmundje të ndryshme./tvklan.al

Gazetar: Fatos Hakorja


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/