سافر ضعنهم | رضا البطي

Описание: قصيدة [سافر ضعنهم]

• ذكرى شهادة الامام الحسين عليه السلام
محرم الحرام ١٤٤٦ هـ

• الحسينية المهدية -بالبطالية
• الرادود | رضا البطي
• كلمات الشاعر | ابوتراب الاحسائي
•انتاج و تنفيذ| اللجنة الاعلامية بالحسينية المهدية بالبطالية

———•———•———
كلمات القصيدة:
سافر ضعنهم و آنه انتظرهم
راح الغالي عني اِوْ تركني اِبـْعذابي
لا طارش اِجاني اِوْ يهوّن مصابي

رحل عني ابويه حسين اخذ روحي اِوْ ترك حزني
مشه اِوْ عيني عليه تربي اِوْ تركني اِلـْدمعتي اِوْ ونـّي

ودّعني و اِوْداعه جرح دلالي
من داري طلعوا غالي يتبع غالي
و ظل الألم لمن مشوا يبرالي
همّي اتربّع بعد ابويه اﮔـبالي

عافوني وحدي اِوْ فتوها ﭼـبدي
ظلـّيت انتظرهم يدﮔـّوا اعله بابي
لا طارش اِجاني اِوْ يهوّن مصابي


وﮔـع ﮔـلبي مـــــحاملهم اشاهد يـَمّي تتعدّل
خذوا حته الطفل مني و انه مالي ولا محمل

وَيْ دمعي عُمري اِمن الجفن صبّيته
و رحت اِلْأبويه اِبـْحسرتي اِوْ ضمّيته
اِبْحضنه اِﮔـْعَدِت و اِبـْلوعتي حاﭼـيته
يا بويه اخذني اِوْ ينتحب سمعيته

ﮔـدّامي شفته شد محمل اخته
و ما حرّك دليل الحنون انتحابي
لا طارش اِجاني اِوْ يهوّن مصابي

عله عيوني مسح بايده اِوْ هَمس باذني يهالطفله
حَرَﮒ روحي وكت ﮔـلـّي مو محسوبه بالرّحله

ما لـﭻ ﮔـبر ﮔـلـّي و لا كملها
و اﮔـبالي دمعاته ﮔـعد يهملها
و اِبـْعينه شفت أشياء من نزّلها
زينب سبيّه و الشمر كافلها

بعيونه منظر نبيران و منحر
و ﭼـن طفله تنادي تسلـّب حجابي
لا طارش اِجاني اِوْ يهوّن مصابي

شفت منظر سلب خدّر اِوْ نحر متخضّب اِبـْدمّه
من النظره الأبو شفته اِموزّع عالترب جسمه


بعيونه كل صوره اشد من صوره
مخسوفه بارض الطف اشوف اِبـْدوره
و أوصال اشوف اعله الترب منثوره
و اضلاع صدره اِمهشّمه اِوْ مكسوره

اِوْداع اِلـْتحبّه و اللهِ صعبه
و الوالد اسِأْله و لا ايرد جوابي
لا طارش اِجاني اِوْ يهوّن مصابي


مناظرهم اشـــاهدها مذبوح اِبـْحضن مذبوح
يودعوني و اودّعهم روح اِمْودْعَه طـَلـْعـَة روح

راحوا كأن ما يوم عشت اِوْياهم
و الموت يمشي انظر اِبـْمـﮕـفاهم
بالمـﮕـبره اللي سافروا الـﮕـاهم
و الباﮔـي عالهزّل شمر يبراهم

اِفراﮒ الحبايب اقسه المصايب
مكسوره و لا احد يجبّر صوابي
لا طارش اِجاني اِوْ يهوّن مصابي

———•———•———

▪️الحساب الرسمي بالتيك توك:
‏https://www.tiktok.com/@al_mahdyah?_t...


▪️الحساب الرسمي بالسناب شات:
‏  / almahdyah  


▪️الحساب الرسمي بالانستقرام :
‏https://www.instagram.com/p/CEJhly3Bl...


▪️الحساب الرسمي بالفيسبوك:
‏https://www.facebook.com/307777562742...


🔹 ليصلكم كل ماهو جديد الانضمام الى المجتمع عبر الرابط التالي:
‏https://chat.whatsapp.com/FZRBYRWIk4H...



#الحسينية_المهدية_بالبطالية
#زينب #ميرزا_مظاهر_الشناف #عزاء #الامام_الحسين #السيدة_زينب_الكبرى #الزهراء #رواديد_الشيعة #باسم_الكربلائي #محمد_باقر_الخاقاني #عمار_الكناني #قحطان_البديري #رواديد_الاحساء