MIRROR紅館演唱會開鑼 大會設數十Counter應付實名登記 又排隊掃安心出行 八點場外塞近千人 （

Описание: #MIRROR 首踏 #紅館 開騷，12場演唱會今（25日)晚假紅館開鑼，開騷前數小時場外氣氛熱鬧。為阻止黃牛炒飛，演唱會門票行 #實名制，今晚頭場安排亦出現預期中的混亂。雖然許多鏡粉已預早一小時到場，大會亦安排數十櫃枱應付實名登記，但在掃安心出行方面，卻引起混亂。由於大會只安排不多職員拿着安心出行QR Code牌，令入場的觀眾，出現一窩蜂湧至。結果到晚上八點，因實名登記及掃安心出行，令場外塞滿千人，未能進場。若演唱會八時半開騷，分分鐘有數百人未能趕及欣賞開首部分。
有等候多時的鏡粉質疑，其實所有閘口相通，只要有關方面放寬讓他們先用安心出行入閘，再各自回自己所屬的閘口便可，無需白白排隊。
大批鏡粉今日兵分多路，趕於收工時間，先去尖沙咀The One打卡及買周邊產品，再趕到紅館睇騷。
今次pop-up store 12鏡仔的佈置，均由他們的fans club 一手一腳設計及打點，供fans 打卡。由於正值下班繁忙時間，現場擠滿人，情況一度混亂。有鏡粉表示，手燈炒價已經升至$800一支，仍然一支難求。
傍晚6時許，大批鏡粉已湧到紅館，感受開場前的氣氛。《娛壹》在場外遇到來自美國的姜糖，他們是 #姜濤美國後援會 成員，一行16人來港捧場，其中一位美糖Judy早於二月已來港，另一位Annie剛剛今天完成隔離。
Annie接受訪問說︰「24小時捕住都買唔到，要托香港朋友幫手買，今次美國應援有16人嚟。」至於2月已來港的Judy說︰「我跟香港姜糖一樣，喺電腦面前321，321咁，我生日係5月31日，咁啱嗰日早上開始公開售賣演唱會，我係由早上10點去到晚上7點都買唔到，真係好失望，連生日飯都冇出去食，真係一個好難忘嘅生日。跟住到最後FC抽飛就有。」
她們稱多得官方認可的姜濤後援會有得抽飛，才能讓身處海外的美糖，可以來港睇騷。「我今日才剛剛完成七日隔離，出嚟第一件事就去咗THE ONE，會合9位來自唔同國家飛嚟嘅姜糖，英國、加拿大、台灣、美國、馬來西亞及紐西蘭，大家影張大合照先，之後嚟到呢度，會合十幾位美糖。」Annie說。
美糖Judy抽到另一場，但仍帶一對子女來紅館感受頭場開鑼的氣氛及派應援。戴着姜濤耳環的兒子說︰「#姜濤 好Nice，唱歌好聽，跳舞好睇。」
而 #AnsonKong 的大班生粉(粉絲名)亦聚集在紅隧、高舉燈牌影合照留念。大批鏡粉在入場前，爭取時間排隊與海報合照。#AnsonLo、#Tiger、#Edan、#Jeremy、#Jer、#Ian、#Stanley、#Frankie、#Alton 、#Lokman 各有鏡粉應援燈牌撐場，場外一遍燈海，十分壯觀。
由於大會禁止fans於紅館現場派發應援，所以不少人轉到對面的火車站派發，大排長龍。場外不少攤檔售賣MIRROR演唱會周邊產品，手燈價錢由$80至$200不等，手扇$50，還有印上鏡仔的布袋。除攤檔，場外亦有電訊公司職員，問入場觀眾是否指定計劃的客戶，如是便免費獲得多款精美周邊產品，包括MIRROR手幅、I SWIM漫畫postcard等。
紅館現場內有部份fans仍在派手幅，保安表示，並非不准fans現場派發，但以不阻礙人流為大前提。
#娛壹