Restaurimi i veglave muzikore 2000 vjeçare, gati për studim dhe ekspozim-(12 Gusht 2010)

Описание: Lajme Arkiva 2010

Një proces i vështirë restaurimi për më shumë se shtatë muaj bëri që këto pjesë veglash muzikore të jenë gati për studim e më pas për ekspozim. Bëhet fjalë për 200 copa të zbuluara nga arkeologët gjatë gërmimeve në Lezhë.

Mendohet se ato janë pjesë të disa fyejve ose veglave të ngjashme muzikore të prodhuara nga një punishte mes shekullit të parë para Krishtit dhe shekullit të dytë pas Krishtit.

Frederik Stamati : “U desh një periudhë kohore relativisht e gjatë, rreth 7 muaj punë për të arritur në konkluzionin që kemi sot. Në këtë restaurim të këtyre elementeve të cilët të montuara japin disa fragmente, ... që janë pjesë të një instrumenti ose të disa instrumenteve muzikorë. Pra mund të ketë qenë një punë q prodhoheshin këto instrumente muzikorë dhe këto të kenë qenë skalcitete dhe ata i kanë hedhur ose mund të ketë qenë një dyqan ku shiteshin instrumente muzikore dhe ai është djegur për një arsye.”

Për laboratorin e Konservimit dhe Arkeometrisë, restaurimi i materialeve kockore cilësohet ndër më të rrallët dhe si pasojë edhe i vështirë.

Frederik Stamati : “Në këtë rast kockat ishin shumë delikate, ishin shumë të dëmtuara nga qëndrimi për një periudhë 2 mijëvjeçare në tokë dhe është punuar me një kujdes shumë të madh. Ka qenë vërtet një punë e mundimshme, e lodhshme nga pikëpamja nervore për të realizuar këtë restaurim.”

Pas restaurimit që zgjati jetën 2 mijë vjeçare të tyre, këto pjesë do t’i nënshtrohen studimit nga specialistët e etnografisë./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/