Болсон явдал контент ба Midnight сувгийн ЗАДЛАН

Описание: Midnight-ын архаг үзэгчид мэднэдээ ямар тэс өөр, экстрийм бичлэгтэй гэдгийг. Харин мэдэхгүй хүмүүсдээ товчхон тайлбарлахад урьд, хожид гарж байсан яс тогшсон онцгүй гэмт хэргүүдийн талаархи түүхүүдийг харгиа яриа, марзан хошигнолоороо найруулан, энтэртаймент контент бүтээдэг.

Зиа тэгэхээр Midnight сувгийн контент болон бичлэгнүүдэд нь “контекстын” ач холбогдол өгөх шаардлага гарах учраас 3-н зүйл сануулья.

1. Midnight бичлэгүүдээрээ аллага, бэлгийн хүчирхийллийг суртчилсан, хүмүүсийн зовлонг тоглоом шоглоом хийх утга агуулгатай зүйл байхгүй шүү. Ёстой no no no no no. Энэ сувгийн 50 гаруй бичлэгтэй олон сар тулж харицсан хүний хувьд хэлье.

2. Зарим нэг “хүнд” үг хэллэгийг өөр дээрээ хүлээж аваад нервтэх шаардлага огт байхгүй. Ямар таньд хандаж хэлээд байгаа биш. Аамь насаа алдсан хохирогчдийг өрөвдөх сэтгэл, гэмт хэрэгтнийг жигшин зэвүүцэх шүүлтүүртэй сэтгэлгээ насанд хүрсэн таньд ч бий, надад ч бий. Харин бага насны болон өсвөр насны дүү, үр хүүхдүүдийнхээ цахим орчинд хяналт тавиарай. Бас сэтгэцийн эрүүл мэнд хамгийн чухал шүү.

3. Энэ төрлийн контент хийдэг хүмүүс маань үзэгчиддээ сэрэмжүүлэг, сургамж болгох үүднээс бичлэгээ хийдэг. Midnight суваг ч бас бусдаасаа арай өөр хэлбэрээр буюу аль болох “stress-free” байдлаар бичлэгээ найруулж үзэгчдэд хүргэдэг нь ч гэсэн энэ утгаараа.

Далий юм ярихад та нар маань ч гэсэн миний хийж байгаа контентын авахын аваад хаяхын хаяаад яваарай. Ямар юм болгон миний зөв байх ёстой биш.

Өөрийн ажигласан багахан зүйлсээ уншид судлаад, аргумент дэвшүүлээд, анализ гэж хэлэхүү юм хийгээд хуваалцах маягтай юм хийдэг байгаа шүү. Коммент хэсэгт бодлоо хуваалцаад явбал бүр гоё.

Бас энэ удаагийн бичлэгийг хийхэд тусалсан Золоодоо баярлалаа, бас ойлгож дэмждэг та нартаа ч баярлалаа. Ингээд шинэхэн бичлэгээ хүлээн авна уу.

Жич: Энэхүү бичлэгэнд ашигласан бусад контент бүтээгчдийн бичлэгүүдийг ашиг хонжоо олох зорилгоор ашиглаагүй болно.