Thaçi për integrimin e Kosovës në BE: “Bëmë hapin e parë, rruga është e gjatë”-(3 Mars 2012)

Описание: Lajme Arkiva 2012

Lëvdatat, puthjet e përqafimet që mori në Bruksel duket se e relaksuan. Kjo vërehej tek kryeministri Hashim Thaçi kur u kthye nga Belgjika në Prishtinë të shtunën. Pa këmishë e kollare doli përpara gazetarëve në konferencë për mediat, të cilin e mbajti porsa zbriti në aeroportin “Adem Jashari”. Aty tha se perspektiva europiane e vendit ka marrë formë konkrete. Për ecjen përpara të Kosovës ai ftoi të gjithë në ndihmë.
Hashim Thaçi: “Ne të gjithë Qeveria dhe Opozita duhet të vazhdojmë të punojmë bashkarisht për reformat demokratike për Kosovën europiane. Duhet të punojmë të gjithë sepse ky proces nuk mund të arrihet nga një parti”.
Tha se me nënshkrimin e marrëveshjes për përfaqësimin rajonal Kosova nuk i ka ndihmuar vetëm vetes, por edhe europianizimit të rajonit, ndërsa pati një pyetje për të gjithë kritikuesit.
Hashim Thaçi: “Prandaj po pyes këta kritikët: Cila ka qenë alternativa? Izolimi unë them jo. Izolim për Kosovën nuk do të ketë do të ketë vetëm integrim në NATO, Bashkim Europian”.
Thaçi nuk deshi të komentojë shumë deklaratat e presidentit serb Boris Tadiç sipas të cilit Serbia ka të drejtë të organizojë zgjedhje në pjesën veriore të Kosovës, por tha se shteti fqinj e ka obligim që të sillet në mënyrë të europianizuar ndaj Kosovës dhe pritet një qëndrim i respektueshëm./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/