Tv Klan - SHBA-të pezullojnë vizat për 75 shtete

Описание: Shtetet e Bashkuara të Amerikës kanë pezulluar dhënien e vizave për emigrantët për 75 shtete. Pjesë e listës janë edhe 5 vende nga rajoni i Ballkanit, përfshi Shqipërinë, Kosovën, Maqedonisë e Veriut, Bosnja Hercegovina  dhe Malin e Zi.

Nuk mungojnë në listë edhe shtete si Rusia, Brazili, Egjipti apo Afganistani.

Lajmin e bën të ditur media amerikane Fox News, e cila shkruan se ka marrë një memo të Departamentit Amerikan të Shtetit që udhëzon zyrtarët konsullorë të refuzojnë vizat sipas ligjit ekzistues.

Pezullimi vizave të emigracionit do të fillojë më 21 janar dhe do të vazhdojë për një kohë të pacaktuar derisa departamenti të rivlerësojë procedurat e shqyrtimit dhe verifikimit

Agjencia e Lajmeve Reuters raporton se një zëdhënës i Departamentit Amerikan i Shtetit nuk dha detaje mbi planin.

Në deklaratën e tij, zëdhënësi i Departamentit të Shtetit, Tommy Piggott, tha se DASH-i do të përdorë autoritetin e tij të hershëm për të konsideruar emigrantë potencialë të papërshtatshëm, të cilët do të bëheshin një barrë publike për Shtetet e Bashkuara dhe do të shfrytëzonin bujarinë e popullit amerikan.

Megjithatë, nga ambasada amerikane në Tiranë dhe nga ambasada shqiptare ne Shtetet e Bashkuara nuk ka asnjë njoftim zyrtar.

Sipas Fox News, në nëntor 2025, Departamenti i Shtetit shpërndau një kabllogram në misionet diplomatike në të gjithë botën duke i udhëzuar stafin konsullor të zbatonte masa më të rrepta shqyrtimi sipas dispozitës së “barrës publike” të ligjit amerikan të emigracionit.

Sipas udhëzimeve, zyrtarët janë të detyruar t’u refuzojnë vizat aplikantëve që konsiderohen të varur nga ndihma publike.

Vlerësimi merr në konsideratë faktorë të tillë si shëndeti i aplikantit, mosha, aftësia në gjuhën angleze, gjendja financiare dhe nevoja e mundshme për kujdes mjekësor afatgjatë.

Aplikantët që janë më të moshuar, mbipeshë ose që kanë marrë më parë ndihmë financiare nga qeveria ose kanë qenë të shtruar në spital mund të përballen gjithashtu me refuzim.

Vitin e kaluar administrata Trump refuzoi dhënien e më shumë se 100 mijë vizave. Vendimi nuk prek personat që janë të pajisur me viza apo që do të pajisen deri më 21 janar.


SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/