فزعة المضهود 🔥| مهداه لـ صالح بن راشد ال كبيده | كلمات عبدالهادي ال جارالله | اداء خالد ال بريك

Описание: .
.
اشترك وفعل التنبيهات في قناة حمد البويصم الرسمية
للحصول على أحدث إصداراته الفنية
‏https://cutt.us/bSX4h


ـ
مهداه : لـ صالح بن راشد ال كبيده
كلمات : عبدالهادي بن سعيد ال جارالله
أداء : خالد ال بريك
تصميم : حمد البويصم

__

كلمات -

سرينا ياهجوسي والعباد الدالهين رقود
ما يسهر ليله الا ضايق البال وهل الطاعه
انا في خاطري شي على كل العرب مجحود
تقول انه يولع في صميم الصدر ولاعه
عسى نور القمر والا عسى هبة هبوب النود
تعالج صدر محروق الصدر من لايعٍ لاعه
انا قدلي مريّح والقريحه بابها مسدود
وهيضني كريمٍ يجبر الشاعر على ابداعه
ولا يمدح سوا اللي نمدحه والعالمين شهود
رفيقٍ مع هل الطالات دايم طايلٍ باعه
سلام الله سلام الله على صالح سليل الجود
عدد برق الخيال المدلهم وهب ذعذاعه
لو ان للطيب عشر بنود ياخذ منه عشر بنود
ولو ان العز نجمٍ في السما ياتيه في ساعه
جرى بعروق دمه حب ونعم وكرهت المنقود
وشبحه للسما والنفس للمعروف طماعه
وصار اكثر كلامه في المجالس ماعليكم زود
كثر ما قولة ونعم وكفو تطرق على اسماعه
معرب من خوال ومن قريب ومن بعيدجدود
معربه العريب اللي كسب الامداح بذراعه
ولد راشد وراشد عِز ربعه فزعة المضهود
يعسف المعضله والكايده وتجيه منصاعه
ليا جا عنده المحتاج يبذل عنده المجهود
ماهوب اللي يحط العذر بالقانون شماعه
يمينه غيمة تمطر وراسه شعله وعبرود
ورايه يقتدا به لا غدا للراي نزاعه
اخذ من ماترك جهويل ابن سالم نباً محمود
واخذ من صالح ال كبيده الفزعات واطباعه
صحيح العود الى منه غدا يظهر مكانه عود
وصحيح ان العيال لسيرة الاجداد تباعه
عموماً والكبيده سادة فهودٍ تجيب فهود
سيوفٍ فاللقا والماقف الحساس بتّاعه
الى جا اسم الكبيده فالقصيده تبلغ المقصود
مثل ما يبلغ الناتع من اقصا الدار لاسناعه
اهل فعلٍ نماري به فخر واهل الجهام السود
جنبها فالخطر والخوف في صيفه ومرباعه
واهل سمعه واهل هيبه الى صار البرا مردود
واهل كرمه واهل سطوه وفزاعه ونفاعه
بني عمي الى جار الزمان ودخّن البارود
فعايلهم تضد المعتدي وتغيّر اوضاعه