ပါဠိတော်လာ ကာယာနုပဿနာ(ဓါတုမနသိကာရ)ရှုပွါးနည်းအစစ်

Описание: ဘုရားရှင်က ဓါတုမနသိကာရနည်းကို မဟာသတိပဋ္ဌာနသုတ်တော်မှာ ဘယ်လိုသင်သွားခဲ့သလဲဆိုတော့
အားထုတ်မယ့်ရဟန်းဟာ ‌
“ဤရုပ်အပေါင်း၌ မြေဓာတ် ရေဓာတ် မီးဓာတ် လေဓာတ်သည် ရှိ၏” ဆိုပြီး ရုပ်အပေါင်းကို တည်မြဲတိုင်း ထားမြဲတိုင်း ဓါတ်အနေနဲ့ စူးစိုက်ဆင်ခြင်ပါတဲ့။
ဥပမာပြရရင် ကျွမ်းကျင်တဲ့ နွားသတ်သမားတွေ နွားသတ်သမားရဲ့ တပည့်တွေဟာ နွားကိုသတ်ပြီး လမ်းလေးခွဆုံမှာ အစုအပုံ ပုံပြီး ထိုင်နေတာနဲ့တူပါသတဲ့၊ ဒီနည်းအတိုင်းပဲ အားထုတ်တဲ့ ရဟန်းဟာ “ဤရုပ် အပေါင်း၌ မြေဓာတ် ရေဓာတ် မီးဓာတ်လေဓာတ် ဆိုတာရှိတယ်” ဆိုပြီး ဒီရုပ်အပေါင်းကို ဓာတ်အနေနဲ့ စူးစိုက်ဆင်ခြင်ပါတဲ့ .......

ရုပ်ကိုရှုမယ့်ယောဂီ သိထားရမှာက ရုပ်ဆိုတာ ပထဝီ၊ အာပေါ၊ တေဇော၊ ဝါယောဆိုတဲ့ ဓါတ်ကြီးလေးပါ အပေါင်းအစုပါ။ အလွယ်ပြောရရင် မြေဓာတ် ရေဓာတ် မီးဓာတ် လေဓာတ်ပေါ့။ ဓါတ်အားဖြင့် တရားရှုမယ့်သူအတွက် ရုပ်တွေကို အကျယ်မချဲ့ဘဲ အဲဒီလေးခုသိရင် လုံလောက်ပါပြီ။
နွားသတ်သမားဟာ နွားကိုသတ်ဖြတ်၊ အမဲဖျက်ပြီးတဲ့အခါ နွားဆိုတဲ့ အယူအစွဲပျောက်သွားပါတယ်။ ဖျက်ပြီးရောင်းဖို့ အတွက် ဒါကတော့ အူချဉ်ဖူး၊ ဒါကတော့ပုဆိုးကြမ်း၊ ဒါကတော့အသည်း၊ ဒါကတော့ မိုးခိုသား၊ ဒါကတော့ အရိုး ဆိုပြီး သီးသန့်စီ ခွဲပုံပါတယ်။
ဒီသဘောပါပဲ ရုပ်ဆိုတဲ့ ဓါတ်ကိုရှုတဲ့ယောဂီဟာ သတ္တဝါဆိုတဲ့ အယူအစွဲကို ပျောက်သွားအောင် ထိုးထွင်းပြီး
ဒါကတော့ ပထဝီဓါတ်၊ ဒါက အာပေါ၊ ဒါကတေဇော၊ ဒါကဝါယောလို့ ပိုင်းခြားသိရမှာပါ။ သိပြီးရင်လည်း အဲဒီ ဓါတ်တွေဟာ ငါမဟုတ်မှန်း၊ ဖြစ်လိုက်ပျက်လိုက်နဲ့ မမြဲမှန်း သိအောင် ကြိုးစားရပါမယ်။
အဲဒီ ရုပ်ခန္ဓာကိုအာရုံစိုက်ပြီး တေဇောပေါ် တေဇောပျက် ဝါယောပေါ်ဝါယောပျက် စတဲ့ ဓါတ်လေးပါး ပေါ်လိုက်ပျက်လိုက်တွေကို ရှုရမှာပါ။

ဒီတော့ ဓါတုမနသိကာရနည်းနဲ့ ဝိပဿနာရှုဖို့အတွက်
ဓါတ်ကြီးလေးပါဆိုတာဘာလဲ အထိုက်အလျောက်တော့သိထားရပါမယ်

subscribe for more:
   / @detoxboost5659  

Photo By: Kaboompics.com: https://www.pexels.com/photo/woman-kn...