Pelden Drukpa Gyelo! The Tribute Song to the Wangchuck Dynasty(Happy 118th National Day!)

Описание: མི་དབང་རིམ་བྱོན་ཚུ་ལུ་ གུས་བཏུད་ཀྱི་གླུ་དབྱངས། (རྒྱལ་ཡོངས་དུས་ཆེན་ཐེངས་ ༡༡༨ །)
༉ སྨན་ལྗོངས་ཆོས་ལྡན་འབྲུག་གི་ཞིང་ཁམས་འདིར། །ལྷ་དང་བླ་མ་རྣམས་ཀྱིས་ལུང་བསྟན་བཞིན། ། གཅིག་སྟོང་དགུ་བརྒྱ་བཅུ་མེད་བདུན་གྱི་ལོར། །གོང་ས་ཨོ་རྒྱན་དབང་ཕྱུག་བྱོན་པ་ལེགས། ། (༢)

ལྷ་ཡུལ་འདྲ་བའི་ཆོས་ལྡན་རྒྱལ་ཁབ་ནང་། །དབང་ཕྱུག་བརྒྱུད་འཛིན་རྣམས་ཀྱི་བཀའ་དྲིན་ལས། ། བདེ་སྐྱིད་དཔལ་གྱི་ཉི་མ་ཤར་ཏེ་ཡོད། །དབང་ཕྱུག་བརྒྱུད་འཛིན་བསྐལ་བརྒྱར་བརྟན་པར་ཤོག ། (༢)
རྒྱལ་ལོ་རྒྱལ་ལོ་ལྷ་རྒྱལ་ལོ། །དཔལ་ལྡན་འབྲུག་པ་ལྷ་རྒྱལ་ལོ། །(༢)

རྒྱལ་ཁབ་རང་དབང་རང་བཙན་ཡུན་དུ་གནས། །འབངས་ལ་དགའ་སྐྱིད་ཉི་མ་དགུང་ལས་ཤར།། སྙན་གྲགས་འཛམ་གླིང་ཡོངས་ལུ་ཁྱབ་སྟེ་གིས། །སྨན་ལྗོངས་ཞི་བདེའི་དཔལ་ལ་སྤྱོད་པར་ཤོག། (༢)

མི་དབང་བརྒྱུད་འཛིན་རྣམས་ཀྱི་མཛད་འཕྲིན་ལུ། །གུས་བཏུད་ཚུལ་དུ་རུ་སྒྲིག་སྟི་སྭོ་བཅས། ། གླུ་དབྱངས་མཆོད་པ་ཕུལ་བའི་ཕན་ཡོན་གྱིས། །མི་དབང་རྒྱལ་པོའི་ཆབ་སྲིད་འཕེལ་བར་ཤོག ། (༢)
རྒྱལ་ཁབ་བདེ་སྐྱིད་ཉི་མ་ཤར་བར་ཤོག །དབང་ཕྱུག་བརྒྱུད་འཛིན་ཡུན་དུ་གནས་པར་ཤོག ། (༢)

གནས་མཆོག་བུམ་པའི་ཐང་གི་དཔལ་ཐང་ནང་། །སྐལ་ལྡན་ཕོ་མོས་དད་དམ་ལྷོད་མེད་པར། ། རྒྱལ་ཡོངས་དུས་ཆེན་བརྩི་སྲུང་ཆེན་མོ་ཡིས། །ལྗོངས་འདིར་ནད་མུག་འཁྲུགས་རྩོད་ཞི་བར་ཤོག ། (༢)

རྒྱལ་ཡོངས་དུས་ཆེན་སྐལ་བཟང་ཉིན་མ་ལུ། །བསྟོད་པ་དབྱངས་ཀྱི་མཆོད་པའི་མེ་ཏོག་དང་། །འབུལ་བ་ཚིག་གི་མཎྜལ་ཕུལ་ཞིནམ་ལས། །རྒྱལ་ཡོངས་དུས་ཆེན་བཀྲིས་བདེ་ལེགས་ཞུ། ། (༢)
ཚིག་བཟོ་མི། ཆོས་སྐྱིད་འཕྲིན་ལས།
སྟང་སློབ་གྲྭ་ལྟེ་བའི་རྫོང་སློབ། ཞུན་དག་མཛད་མི། ལེགས་སྦྱར་བ་ འཆི་མེད་རིག་འཛིན། སློབ་དཔོན་ལྷམ་ཚེ་རིང་དང་ སློབ་དཔོན་ཚེ་རིང་དབང་ཕྱུག།
གདངས་དང་ སྙན་ཆ། འཇིགས་མེད་ཟླ་བ།
མགུལ་བརྙན། བསྟན་འཛིན་གླིང་སྤ་རོ།
ཞབས་ཁྲ་རྐྱབ་མི།
མོ།