អ្នកជំនាញបារម្ភថា ការឆ្លងកូវីដក្នុងចំណោមអ្នកមិនបានចាក់វ៉ាក់សាំងនៅចិន អាចនាំឱ្យវីរុសថ្មី

Описание: ការផ្ទុះឆ្លងកូវីដដ៏ខ្លាំងក្លានៅចិននៅពេលនេះ បន្ទាប់ពីរដ្ឋាភិបាលចិនបានបន្ធូរបន្ថយវិធានការគ្រប់គ្រងនិងទប់ស្កាត់ការរីករាលដាលកូវីដនៅដើមខែធ្នូដ៏ភ្ញាក់ផ្អើល បានធ្វើឱ្យអ្នកជំនាញមួយចំនួនបង្ហាញការព្រួយបារម្ភកាន់តែខ្លាំង នៃហានិភ័យផ្ទុះឡើងនៃវីរុសបំប្លែងថ្មី ដែលអាចមានសមត្ថភាពចម្លងកាន់តែខ្លាំងនិងកាន់តែប្រល័យជាងវីរុសអូមីក្រុងនៅពេលនេះ។

យោងតាមក្រុមមន្រ្តីសុខភាពជាន់ខ្ពស់របស់ចិនបានវាយតម្លៃថា ពលរដ្ឋចិនជិត២៥០លាននាក់បានឆ្លងកូវីដនៅក្នុងរយៈពេលត្រឹម២០ថ្ងៃដំបូងនៅក្នុងខែធ្នូនេះ។ ប្រធានមជ្ឈមណ្ឌលខាងរោគរាតត្បាតនៃសាកលវិទ្យាល័យនៅក្នុងរដ្ឋធានីវ៉ាស៊ីតោនលោក Ziyad Al-Aly បានប្រាប់សារព័ត៌មានVOAថា ការឆ្លងទំនងនឹងកើនឡើងបន្ថែមទៀត ខណៈពលរដ្ឋចិនរាប់លាននាក់ នឹងធ្វើដំណើរកម្សាន្តនិងធ្វើដំណើរទៅជួបជុំគ្រួសារអំឡុងពិធីបុណ្យចូលឆ្នាំចិននៅប៉ុន្មានសប្ដាហ៍ខាងមុខនេះ។