د کورنیو چارو سرپرست وزیر سراج الدین حقاني د لومړي ځل لپاره د رسنیو پر مخ راڅرګند شو.

Описание: د کورنیو چارو سرپرست وزیر سراج الدین حقاني د لومړي ځل لپاره د رسنیو پر مخ راڅرګند شو.
د دې ویډیو په اړه / در مورد این ویدیو
د کورنیو چارو سرپرست وزیر له امنیتي ځواکونو وغوښتل چې له خلکو سره ښه چلند وکړي
کابل(پژواک، ۱۴ کب ۱۴۰۰): د کورنیو چارو وزارت سرپرست چې لومړی ځل د رسنیو پر وړاندې راښکاره شو، د عمومي بښنې فرمان پر عملي کېدو د ټینګار ترڅنګ وویل، هغه ښځې چې نن د پولیسو له اکاډمي فارغې شوې، پر دندو ګومارل کېږي.
د ملي پولیسو استادانو د معلوماتو له مخې، له دې اکاډمي نن ۴۷۰ کسان چې ۴۱ په کې ښځې دي، د زندانونو، جنايي، لوجستیک، عامه نظم او امنیت له برخو فارغ شول.
د کورنیو چارو وزارت سرپرست سراج الدین حقاني د کابل د پولیسو اکاډمي د ۱۳مې دورې د محصلینو په فراغت غونډه کې فارغینو ته په خطاب وویل، د عمومي بښنې فرمان پر اساس باید له خلکو سره ښه چلند ولرئ.
نوموړي د ښځو د کار حق په اړه وویل، نن یو شمېر ښځې د پولیسو له اکاډمي فارغې شوې او دوی به پر دندو وګومارل شي.
هغه وايي، په کابل او ولایتونو کې کور پر کور تلاشي د خلکو د امنیت ساتنې په موخه ترسره کېږي.
سراج الدین حقاني د کور په کور له تلاشۍ د خلکو د شکایت په اړه امنیتي ځواکونو ته په خطاب وویل، خلک باید د تلاشۍ پر مهال ونه ځورول شي.
نوموړي په ټینګار سره امنیتي ځواکونو ته خطاب وکړ چې د دندې ترسره کېدو پر مهال له خلکو سره دقت او ښه چلند وکړي.
هغه له امنیتي ځواکونو وغوښتل چې د هر ډول ستونزې رامنځته کېدو پر مهال له مشرانو او د هماغې سیمې له دیني عالمانو همکاري وغواړي او له دوی سره په همغږۍ تلاشي ترسره کړي.
نوموړي زیاته کړه: ((زموږ یوازېنۍ هیله داوه چې په خپله خاوره کې اسلامي نظام ولرو او د نورو تر سلطه لاندې نه وو، د ۲۰ کلن جهاد موخه هم د اشغال د خاتمې، ازادۍ او په هېواد کې د اسلامي نظام د حاکمیت په معنا وه.))
حقاني زیاده کړه، اسلامي امارت هيچ هېواد ته ګواښ نه دی، د افغانستان له خاورې به د هيڅ هېواد پر وړاندې ګواښ متوجه نه وي.




ډیره مننه/ بسیار زیاد تشکر
#pajhwokafghannews

Pajhwok Afghan News (Pashto: پژواک خبري اژانس‎) (Persian: آژانس خبرى پژواک‎) is Afghanistan's largest independent news agency. With headquarters in Kabul, eight regional bureaus and a nationwide network of reporters and correspondents, Pajhwok delivers an average daily output of three dozen stories in Pashto, Dari and English. Pajhwok also provides photographs, video footage and audio clips to international wire agencies, televisions and radio stations.
share support subscribe !!
subscribe:    / pajhwokafghannews  
Follow us on the links below:
  / pajhwoknews  
www.instagram.com/pajhwok
  / pajhwok  
www.pajhwok.com 
Email: [email protected]
#pajhwokafghannews
#Pashto
#Dari

#   / pajhwokafghannews