مشاهد كربلا | الرادود الحسيني أحمد يحيى

Описание: اسم المقطع
الرادود الحسيني أحمد يحيى
كلمات الشاعر ـــــــــ
ليلة ٢٠ من شهر صفر 144٧ هـ

تابعنا على مواقع التواصل الأجتماعي
https://linktr.ee/azaanoaim

جميع الحقوق محفوظة لموكب عزاء النعيم


كلمات القصيدة :
ما أَمِلْ لو أَصِل
لو أظل اقطع مسافات الجرح عمري
عشرة أيام وشهر وانا بكسر ظهري
وين اروح والجروح
من مشاهد كربلا تشعل دمع عيني
وما يطفّيها الا شوفت تربة حسيني
تربي عيني اعله الفلا
وتفرش جروح وصور
من وصلت لكربلا
يوم عشرين بصفر
هْنا العسكر هجم
وحرقوها الخيم
هنا شفت طفله بجمر
خيمه احترق چفها
آه يحيرة عمتي
شقد عليها الهم قسه
لو تداوي علتي
لو تدور ع النسه
وعنها لا تسل
وصورتها عله تل
وعن تفاصيل المصيبة شلون اسولفها
مشهد أوصفه بيا شرِح
يفتح ألف مية جَرح
كل شي سكت بالمذبحة بس صوت الاطفال
اهنا يتيمه اتسلبت
واهنا عزيزة تغربت
واهنا شفت طفلة تموت ابحر الرمال
عليّه ما يمُر ابداً مثل هالليل
أشوف ايتامي من تشرد تذوق الويل
يتيم يفر يتيم ايسحقه حافر خيل
شفت كل شي انمرد
واجيت اليوم انوح
احترق حتى المهد
على وقع الجروح
ومكسوره الخوطر
وعمري كله عاشر
جيت و قلبي جمره
ما ظل احد اليه
اوگف اعله قبره
وراس الولي بديه

وهذي الغريبة وقفت بألمها
تقله: يخويه ضيعتي شيلمها
بعد المعزة اعله الهزل سبية
ومن المصيبه يا عظم سهمها
وظلت على قبره تنادي وتنوح
ونتها زينب والله تشعب الروح
لانصب عليكم كل سنة عزيه
ذكرك أبد ما ينّسى يمذبوح