Gəncənin icra başçısı generalı həbs etdirmək istəyir?

Описание: Xəbər portallarında verilən informasiyaya görə yanvar ayının 19-da, Nizami rayon Polis İdarəsində ciddi yoxlamalar aparılıb. Yoxlamaların nəticəsi olaraq xeyli sayda qüsurlar aşkarlanıb və bundan sonra Post Patrul Xidmətinin rəisi və əməliyyat üzrə rəis müavini işdən azad edilib.
AzNews.az saytı baş verənlərlə bağlı maraqlı bilgilər əldə edib. Belə ki, bütün bu təftişlərin və çək-çevirin məqsədi idarənin rəisi Nofəl Məhərrəmovun işdən azad edilməsinə hesablanıb. Boşaldılacaq həmin posta isə Gəncənin sabiq polis rəisi və hazırda sərəncamda olan general Rasim Musayevin təyinatı nəzərdə tutulubdur deyə, saytda bildirilib.
Bu arada Gəncə şəhərinin icra başçısı Elmar Vəliyevin hazırda Bakı şəhərində olduğu bildirilib. AzNews.az-ın əldə etdiyi məlumata görə, icra başçısı sabiq polis rəisini həbs etdirmək, Gəncənin prokurorunu isə cəzalandırmaq istəyir. Xəbər portalını məlumatlandıran mənbənin sözlərinə görə, Elmar Vəliyev ötən gün istefa verən sabiq polis rəisi general Rasim Musayevin təkcə işdən azad olunmasıyla razılaşmaq niyyətində deyil və onun həbsinə nail olmaqda israrlıdır.
İcra başçısı eyni zamanda Gəncə şəhər prokuroru Adil Vəliyevin də işdən çıxarılmasına çalışır. Bunun da əsas səbəbi icra başçısı ilə polis rəisi arasında məlum insident yaşandığı zaman şəhər prokurorunun Elmar Vəliyevin tapşırığına məhəl qoymaması olub. Belə ki, icra başçısı prokurora tapşırıq verib ki, polis rəisi Rasim Musayevə qarşı cinayət işi açsın. Amma prokuror bu addımı atmaqdan müxtəlif bəhanələrlə yayınıb. Polis rəisinin işdən çıxardılmasından sonra isə Elmar Vəliyev indi də prokuroru cəzalandırmaq qərarına gəlib. Xəbər portalında o da bildirilib ki, bu kimi hallar, yəni Gəncə prokurorunun Elmar Vəliyevin tapşırıqlarını yerinə yetirməkdən imtina etməsi dəfələrlə təkrarlanıb və bu üzdən də icra başçısı indi onunla yollarını ayırmağı qərarlaşdırıb.

Website: http://kanal13.tv/
Facebook:   / tvkanal13  
Twitter: https://twitter.com/#!/Kanal13_Baku
Click & Subscribe to the main youtube Channel:
http://www.youtube.com/subscription_c...
© KANAL13 [ Azərbaycanın ilk peşəkar internet televiziyası ]