كيف تبدع بقسم القراءة؟

Описание: صعوبة قسم القراءة حاجتين،، اول شئ ان الوقت مرة ضيق والشئ الثاني ان القطع طويلة ومعقدة،، بس في خطوات حتسهل عليك هذا القسم 👌🏻

خليني اوضح لك اكثر ايش قصدي 👇🏻

عشان تبدع في الاختبار لازم تركز مذاكرتك على تطوير مهاراتك و تعلم التكنيكات والتدرب على الاختبارات التجريبية،، ودحين حوضحلك اكثر ايش عليك تسوي 😎

١- التطوير: خصص يوميا ساعة لقراءة قصص مناسبة لمستواك تكون واضحة بنسبة ٥٠٪ عشان تكون ممتعة،، بس اهم شئ ما تحول الموضوع لمنهج وتجلس تترجم كل كلمة وتشوف مشتقتها ومادري ايش 🤪

كل اللي عليك تركز عليه انك تقرأ اكبر عدد من الروايات مع الاستيعاب ٨٠٪ مثلا ما يحتاج منك تفهم كلمة كلمة وتضيع وقتك في الترجمة،، وافضل مصدر يساعدك قصص اوكسفورد بوكورمز 📚

٢ - التكنيكات: اهم تكنيكة في القراءة تكنيكة حاد لازم تفهم كيف تطبقها،، شوف هذا الفيديو شرحت لك ايش بالضبط هذي التكنيكة 👇🏻
‏   • ايش هي تكنيكة حاد في الايلتس  

٣- وكمان تكنيكة تقسيم الوقت حسب مستواك جدا مهمة،، يعني راح تقسم وقتك بين القطع زي كذا 👇🏻
1️⃣ مبتدئ: ٣٠ / ٢٥/ ٥

2️⃣ متوسط ٢٠/٢٠/ ٢٠

3️⃣ متقدم ١٥/ ٢٠/ ٢٥

٤- التدرب: عشان تبدع يوم الاختبار الحقيقي لازم تجلس تسوي اختبارات تجريبية وتحط نفسك في موقف الاختبار،، تدرب قد ما تقدر وطبق التكنيكات ونظم وقتك وشوف ايش اخطائك عشان تتعلم منها 👌🏻ويمديك تسوي الاختبارات التجريبية من كتب كامبردج او اون لاين من هذا الموقع ieltsonlinetests . com

ابدأ من اليوم سوي عادة القراءة ساعة في اليوم وفي خلال اسبوعين حتشوف تطورك قدام عيونك وتلاقي المستوى اللي كنت تقرأ منه صار تافه وبسيط وتحتاج تروح المستوى اللي بعده 🐎🔥
-
تجربتي كانت طويلة وصعبة، بدأت من مستوى مبتدئ في اللغة الانجليزية من درجة ٣ ووصلت لدرجة ٨ من ٩ في اختبار الايلتس. راح اشاركك خلاصة تجربتي عشان تساعدك توصل لاقوى درجة في اسرع وقت..
-
حساباتي (دروس ونصائح مهمة):

تويتر: @dalilk4ielts
‏  / dalilk4ielts  

سنابشات: dalilkme
‏  / dalilkme  


انستغرام: dalilkme
‏  / dalilkme