სინდისის პატიმრების ოჯახები საზოგადოებრივი მაუწყებლისგან პირდაპირ ეთერს ითხოვენ

Описание: 🟥„მუსიკოსს შეუფარდეს 4 წელი და 6 თვე. და რატომ არ აძლევენ მათი ოჯახის წევრებს ეთერს საზოგადოებრივ მაუწყებელზე? რომ ვერ მივიდნენ და ვერ ილაპარაკონ ამ ადამიანებზე ადამიანურად.
რომ ვერ თქვან ზოგიერთ მათგანს როგორ ენატრება თავისი გიტარა, ზოგიერთ მათგანს ისე ენატრება თავისი შვილიშვილი, ითხოვს - ძაღლივით დამაბით ეზოში, ოღონდ მაგათთან ერთად ვიყოო.

აი, ამდენი ადამიანური მომენტია, რომლის გაგონებაც არ უნდათ.
მაშინ როცა იმედის დილაზე და საზმაუს შუადღეზე ხან რომელი გამობობღდება იქიდან, ხან რომელი, რომელმაც რუსულ კანონს ხელი მოაწერა და ილაპარაკებს თავის შვილზე, ზოგი რომ სტრასბურგში სწავლობს, ზოგი ნიუ იორკში...“ - ონისე ოქრიაშვილი, სტენდაფერი.

📌დღეს, 27 ივნისს, საზოგადოებრივ მაუწყებლთან საპროტესტო აქცია გაიმართა. სინდისის პატიმრების ოჯახები საზოგადოებრივი მაუწყებლისგან პირდაპირ ეთერს და სინდისის პატიმრების სასამართლოების სრულყოფილად გაშუქებას ითხოვენ.