لا کٔرِتھ وَن کور کُن نَمَس ! محرمس چھے منہِ منز جاے
Автор: Kashmiri کشمیری Sufism صوفی اِزم
Загружено: 2025-07-28
Просмотров: 1929
Описание:
#احد_زرگر
لا کٔرِتھ وَن کور کُن نَمَس
محرمس چھے منہِ منز جاے
شہہ چُھ میٖلِتھ زیٖرس تہٕ بمس
محرمس چھے منہِ منز جاے
تھر کَتھ کُن قبلہٕ عالمس
پَر تہٕ فَثَمَّ وَجْهُ آے
کر دیدَو سجدٕ صنمس
محرمس چھے منہِ منز جاے
گَتھ ماران پریتھ زنمس
پَتھ برونٹھ یُس چُھ سر تا پاے
اَتھ فُرقان شأہد دِمس
محرمس چھے منہِ منز جاے
گژھِ سُے تَتھ عالمس
رژِھ رژِھ یُس بنہِ بے ژھاے
وژِھ درمیان سوہس تہ ہمس
محرمس چھے منہِ منز جاے
لامہٕ الف ان ترجمس
جامہٕ میٖمُک لأگِتھ دارے
عام و خاصن ؤنؠ کونہٕ دِمس
محرمس چھے منہِ منز جاے
جانِ جانان نیٖم روز شمس
جان پرزلِتھ جلوٕ نُماے
زانہٕ کانژھاہ سَنہِ جامِ جمس
محرمس چھے منہِ منز جاے
رنگ رنگا رنگ چھأوؠ مَس
جنگ لأگؠ لأگؠ سورُم نہٕ نیاے
سنگ پرأٹِتھ لعل لوٹُمس
محرمس چھے منہِ منز جاے
بار گوب گوم گُفتار کِھمس
نارٕ زألؠ مَس ششوے قلاے
وار یِتھ لار کٔرمس یِمَس
محرمس چھے منہِ منز جاے
جوش گونڈنم نوش گوم دَمس
موش کیاہ زانہِ شیرٕ سٕنز ماے
ہوش تھومس رُمس رُمس
محرمس چھے منہِ منز جاے
سیٖر وُچھ وُچھ تنبہٕ لیوس برمس
تیٖر لأینم کورمس نہٕ آہ
شیٖٔر چوونس مِلوِتھ سمس
محرمس چھے منہِ منز جاے
ییتہِ مَے دِنہٕ آو آدمس
تتہِ ما میج ملکن جاے
کَتھِ کتہِ زایہ ستھ۷ گٔے گُمس
محرمس چھے منہِ منز جاے
آم اِرشاد اِسمِ اعظمس
احد زرگر ڈالہِ کوت پاے
جام برٔؠ بٔرؠ جمع الجمس
محرمس چھے منہِ منز جاے
Ahad Zargar: • Ahad Zargar
@nisarsufi777
@nisarsufi
Повторяем попытку...
Доступные форматы для скачивания:
Скачать видео
-
Информация по загрузке:
