جراحات السجاد | فاضل البوري | شهادة الإمام السجاد (ع) - مأتم السنابس | 1445 - 2023

Описание: الفقرة الثانية .

كلمات القصيدة :
غمَّض اعيون القلب .. من معاناته اقترب
وخلي اخبار الكُتُب .. تمر في بالك
انت واقف عالوَجل .. منصدم في المغتسل
هذا جثمان الأمَل .. فجع خيالك

جسد السجاد إمامك .. ممدود أمامك
تفقد كلامك .. او تنحب

وتنظر الباقر يصب ماي .. تتعذب اهواي
من شوفتك هاي .. او تتعب

من جرَّده ثيابه .. بيّن حجم عذابه .. تتوقع ابمصُابه
شاللي تخبّي لايام
كلما نزع له جانب .. تتكشَّف النوايب .. واتبيّن المصايب
من رحلته إلى الشام

قيده .. ناشب ابجسمه .. وجِيدَه .. ابجامِعَة ذاب
ظهره .. أحمر وصدره .. ينزف .. دمه ميزاب

في قلبك مساحة؟ .. تشاهد جراحه .. أثر كربلاءَه في كل جارحاته
جَلَد عندك اتشوف .. أثر جرْح الطفوف .. مثل ما إمامك شهد في حياته

*******

اذا انصب بارد الماي .. او شفته
في رجله حفرة واجراح .. نظرته
من احبال السبي ارسوم .. تفِتَّه
عليك الله اهمل العين .. في سكته

منتحل تمدد .. متنه والله أسود
في البدن يحسرة .. شاللي ما تقيَّد

من الهازل وقع وقالوا بلحبال الأمل
بلجدام انربط وللرقبه احباله وصل

نزيف الجامعة ابصدره .. رسم بو اليمة ونحره .. او صرخة زينب ابضيم .. كفيلي
او لون الضربة عالضربة .. في طول امسيرَه ودربه .. سواد ايفطّر الروح .. يويلي

على اليِعاني .. يعطف على اليتامى
في عينه دمعة .. حاني على الأيامى

********

عقب ما شاهِدِت جسمه تخيَّل بو علي اشحاله
قبل دوس الخيول اعليه عدوَّه داسه بنعاله

مصيبة … عظيمة … جسيمة … على الخاطر
حُسين .. وضُلوعه .. كسيرة .. من الحافر

هذي الفجيعة .. بقلب الوديعة .. ضيعها ضيعة ابو سكينة
تصرخ يسجاد .. يا زين لعباد .. عزنا في لوهاد يهبرونه
*
*
*
الرادود : #فاضل_البوري

الشاعر : #محمد_مرهون

ذكرى شهادة الإمام السجاد (ع) 1445 هـ

موكب عزاء مأتم السنابس - البحرين

التسجيل والهندسة : مأتم السنابس

تصوير :
حروف ميديا بتعاون مع لجنة إعلامية المأتم

مخطوطة : علي البوري

مونتاج : عباس الوادي

إنتاج وتنفيذ : #حروف_ميديا