Putindən şərt: Donbası mənə verin!

Описание: Yaxın Şərqdə atəşkəsi təmin etdi, indi qollarını Ukrayna üçün çırmalayıb. Əslində hədəfi Qəzzadan əvvəl Ukraynada müharibəni dayandırmaq idi. Putini atəşkəsə heç cür razı sala bilmədi. Rusiyanı bir neçə dəfə hədələdi də. Amma bu hədələr sanksiyadan o yana keçmədi. Putin onu hər keçən gün daha çox məyus edirdi. Sonda çarə tapdı. Tomahavk. Putinin dayandırmağın yeganə yolu. Hər halda Putin Tomahavklardan narahat olmuşdu ki, gözlənilmədən Trampa zəng etdi. Həm də Zelenskinin Vaşiqntona səfəri ərəfəsində. Amerika Prezidentinin Tomahavklarla hədəsi nəticə verdi. Rusiya Tomahavklardan çəkinir. Bu raketlər Ukraynanın isə son ümidi idi. Zelenski Trampla görüşə bu ümidlə getmişdi. Hətta Amerika liderinə təklifi də oldu. Ukrayna dronları qarşılığnda Tomahavk. Lakin Zelenski Ağ Evdən yenə əliboş döndü. Trampın onu “güclü lider” adlandırması və pencəyini tərifləməsi də işə yaramadı. Amma hər halda Trampın ona münasibəti bir qədər dəyişib. Ukrayna Prezidentini ilk dəfə qəbul etdiyi gün az qala onu qovmuşdu. Prezidentliyə qayıtdığı ilk aylarda Ukraynanı müharibənin əsas günahkarlarından biri kimi görürdü. Tramp üçün işğalçı Rusiya ilə işğala məruz qalan Ukrayna arasında fərq demək olar ki, yox idi. Zaman keçdikcə Trampın illüziyaları dağılmağa başladı. Putin onu o qədər məyus etdi ki, Tramp Ukraynaya “Tomahavk” verməkdən danışdı. Qarşıda Putinlə Budapeşt görüşü var. Yəqin ki, hər şey bu görüşdən sonra aydın olacaq. Putin sonuncu dəfə Avropa İttifaqı məkanında 2021-ci ildə görünüb. Həmin vaxt o, Cenevrədə ABŞ-nin keçmiş prezidenti Co Baydenlə görüşmüşdü. Bundan bir neçə ay sonra isə Ukraynaya hücum əmrini vermişdi. O gündən bəri Avropa İttifaqı ilə Rusiya arasında uçurum getdikcə dərinləşdi. İndi Putinin Avropa İttifaqı ölkəsi olan Macarıstana səfəri qurum üçün siyasi kabus və biabırçılıq hesab edilir. Rusiya da bu səfərdən narahatdır. Putinin təyyarəsinin Avropa hava məkanında təhlükəsziliyi müzakirə olunur. Məlumata görə, təyyarəni Türkiyənin hərbi təyyarələri və Rusiyanın Su-27 qırıcıları müşayiət edəcək. Washington Post-un iddiasına görə, Putin Trampla telefon söhbəti zamanı Donbası istəyib. Rusiya Prezidenti savaşı bitirməyin şərti kimi Ukraynadan Donetsk bölgəsini tamamilə tərk etməyi tələb edib. Tramp isə deyir ki, tərəflər olduqları yerdə dayanmalıdırlar. Yəni Budapeşt görüşü indidən böyük müzakirələrə yol açıb. Rusiyanın işğal etdiyi Ukrayna ərzilərini qaytaracağını gözləmək sadəlövhlük olar. Bəs, Ukrayna öz torpaqlarından vaz keçəcəkmi? Bunun da cavabı yəqin ki, “xeyr”dir. O zaman bu savaş necə bitəcək?

Bizi İzləyin:
Whatsapp: https://bit.ly/457kdup
Facebook: https://bit.ly/3H6GtMT
Instagram: https://bit.ly/46wEkoi
Teleqram: https://bit.ly/3INUKP2
Sayt: https://bit.ly/3UzGQme

Copyright © İCTİMAİ TV