السرطان و علاجه | كدرت اشفي والدي بهاي الطريقه (بأذن الله) | الدكتور انطاه شهرين للعيش فقط |

Описание: اني اسمي علي غازي زلام, مهندس طاقه خريج الجامعه الامريكي في العراق السليمانيه. اني لا دكتور و لا الي علاقه بهذا المجال من الناحيه الاكاديميه.

بالبدايه احب اكوللكم ابويه وصل اتعس مراحل السرطان و حتى رجله جان ما يكدر يحركها, و هسه وصل مرحله يسبح وحده و يطبخ اكله وحده!

والدي انصاب بمرض السرطان قبل سنتين و الدكتور كال حاله الوالد ميئوس منها و كال يمكن راح يعيش شهرين ا بالزايد 3 لان جان عنده سرطان الكبد و القناة الصفراء و جان بمرحلته الرابعه و الي هيه اخطر مرحله. بعد 6 اشهر ن استخدام علاج الكيمياوي السام والدي يوم وره يوم جانت حالته تصير اسوء الى ان وصل مرحله الدكتور كال راح نوقف العلاج و خلي الوالج يروح يرتاح بالبيت (بعد ما شاف التقارير الطبيه و الفحوصات مال ستي سكان) و كالي الي (الوالد موعده قريب جدا خل يموت بالبيت افضل من المستشفى). اني هنا اكيد جان شعوري صعب جدا و لكن اني على قناعه تامه بان لكل داءا دواء لذلك بحث ليل و نهار وابدا ما يأست.

اكثر الشغلات الي فادتني في بحوثي هي مقالات و بحوث و فيديوهات (دكتور بيرج) الي انصح الجميع في متابعه هذا الانسان العبقري لان راح يفيدكم بالحفاظ على صحتكم بشكل عام مو فقط علاج الامراض.

المهم, بعد ايام لا تحصى من البحوث و التجارب و المعانات كدرت اوصل لطريقه العلاج الي شرحتها بالفديو. هاي الطريقه اني عندي ايمان كبير جدا جدا جدا بيها و من خلال تجربتي مع الوالد و مع بعض الحالات جانت النتائج اعجازيه.

العلاج يعتمد على امور كثير. العلاج ليس كبسوله سحريه تغير حياتك . العلاج عباره عن مجموعه متكامله من قرارات تجاه مسيرتك في ما بقى لك من ايام في هذه الحياه. العلاج راح يبدي بشكل اساسي بالايمان المطلق الي راح ابذل قصار جهدي في ترسيخ فكرته بالمجتمع و ترسيق فكره (الخير فيما اختاره الله) لازم كلنا نقتنع قلبا و قالبا بهذا الكلام.

الخطوه الثانيه هي رسم الخطه نحو الشفاء و الايمان في ذلك

الخطوه الثالثه الالتزام بنظام الصيام المتقطع

الخطوه الثالثه الالتزام باكل ما تم ذكره من ماكولات و الابتعاد عن الامور الاخرى الي تم ذكرها

الخطوه الرابعه الالتزام بالمكملات الغذائيه الي تم ذكرها داخل الفيديو
.

ارجع و اكول اني مو دكتور و لا الي علاقه بهذا المجال, اني مجرد شخص بحث و جرب و نجح على الصعيد الشخصي و حب ينشر تجربته مع العالم للفائه العامه. القرار قراركم بالاخير.

راح ابذل جهدي في نشر فيديوهات اكثر تخص هذا المجال و راح احاول التقي بخبراء في التغذيه العلاجيه و ايضا دكاتره في مجال هذا النوع من الامراض و نقدملكم عصاره سنين من خبرتهم.

مهم تشاركون الفيدو.

عساكم يخير و ما تشوفون شر.