სტიქია შოვში - სამძიმარი

Описание: სტიქიის დროს დაღუპულთა ოჯახებს უსამძიმრებს აშშ-ის სახელმწიფო დეპარტამენტის ევროპისა და ევრაზიის ბიურო. „სამძიმარს ვუცხადებთ მათ ოჯახებს, ვინც ამ ტრაგიკული შემთხვევის დროს დაიღუპა“, – ნათქვამია სოციალურ ქსელში გავრცელებულ განცხადებაში.
შოვში ტრაგედიისას დაღუპულთა ოჯახებს და მათ ახლობლებს სამძიმარს უცხადებს ოლივერ ვარჰეიც. სამეზობლო პოლიტიკისა და გაფართოების საკითხებში ევროკომისარი წერს: „გულწფელი სამძიმარი მინდა გამოვუცხადო შოვში მეწყერის დროს გარდაცვლილთა ოჯახებსა და ახლობლებს. იმედი მაქვს, სამაშველო და საევაკუაციო ოპერაციები წარმატებული იქნება. ჩვენი ფიქრებითა და ლოცვით ქართველი ხალხის გვერდით ვართ“, - ნათქვამია განცხადებაში.  
სამძიმრის წერილს აქვეყნებს ჩეხეთის საგარეო საქმეთა მინისტრიც. იან ლიპავსკი შოვში სტიქიის დროს დაღუპულთა გამო მწუხარებას გამოთქვამს. „ღრმად ვარ დამწუხრებული შოვში მომხდარი ტრაგედიით. გულწრფელად ვუსამძიმრებ დაღუპულთა ოჯახებს და მეგობრებს“, - წერს ლიპავსი.
​დაღუპულთა ახლობლებს სამძიმარს უცხადებს უკრაინის პრეზიდენტიც. „ღრმად თანავუგრძნობთ საზოგადოებას სტიქიური უბედურების გამო, რომელმაც ადამიანების სიცოცხლე შეიწირა. ვუსამძიმრებთ გარდაცვლილთა ნათესავებსა და ახლობლებს და მალე გამოჯანმრთელებას ვუსურვებთ რაჭის მაღალმთიან რეგიონში მეწყერის ჩამოწოლის შედეგად ყველა დაშავებულს“, – წერს ზელენსკი სოციალურ ქსელში.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.