Prishet kisha ortodokse serbe

Описание: Autoritetet boshnjake kanë prishur një kishë ortodokse serbe që ishte ndërtuar në mënyrë të paligjshme në tokën që gjendej nën pronësinë e një gruaje boshnjake. Vendimi vjen pas një beteje ligjore 20-vjeçare që u shqyrtua edhe në Gjykatën Evropiane të të Drejtave të Njeriut. Kisha ishte ndërtuar në oborrin e boshnjakes Fata Orlovic në fshtatin Konjevic Polje. Prishja e kishës erdhi pas një vendimi të vitit 2019 që u kërkonte autoriteve të bënin një gjë të tillë. Në bazë të vendimit, Bosnja duhet të dëmshpërblejë familjen Orlovic me 31, 000 euro. Kisha u ndërtua gjatë Luftës së Bosnjës, menjëherë pasi zonja Orlovic dhe familja e saj u dëbuan nga fshati që gjendet rreth 20 kilometra në lindje të Srebrenicës. Burri i zonjës Orlovic ishte mes 8 mijë burrave dhe djemve mysliman të Bosnjës që u vranë nga forcat serbe në Srebrenicë në vitin 1995. Masakra e Srebrenicës njihet ndërkombëtarisht si gjenocidi i vetëm në Evropë që nga Lufta e Dytë Botërore.


📌SUBSCRIBE “Zëri i Amerikës” në YouTube për më shumë Video!

Për më shumë informacione vizitoni faqen tonë web: https://www.zeriamerikes.com/

👉Na ndiqni Facebook:   / zeriamerikes  

Instagram:   / zeriamerikes  

Twitter:   / zeriamerikes