Դուալ կրթություն՝երաշխավորված աշխատանք.մեխատրոնիկա|Dual Education-Guaranteed Employment!Mechatronics

Описание: Վերջին տարիներին ՄԿՈՒ (մասնագիտական կրթություն և ուսուցում) ոլորտը գտնվում է միջազգային հանրության ուշադրության կիզակետում՝ հանդիսանալով անհատական, տնտեսական և սոցիալական կարողությունների առաջմղման կարևորագույն շարժիչ ուժ: Այն կարևոր դեր է կատարում երիտասարդների զբաղվածության խթանման գործում և ապահովում է երկրի տնտեսական զարգացման համար անհրաժեշտ հմտություններ:
Արդեն երեք տարի է, ինչ Գերմանիայի կառավարության պատվիրակմամբ՝ GIZ-ի կողմից իրականացվող «Մասնավոր հատվածի զարգացում և մասնագիտական կրթություն և ուսուցում Հարավային Կովկասում» (ՄՀԶ ՄԿՈՒ) ծրագրի և ՀՀ կրթության, գիտության, մշակույթի և սպորտի նախարարության համագործակցության շրջանակում Հայաստանի մասնագիտական կրթական հաստատություններում փորձարկվում է դուալ համակարգը՝ գինեգործության, զբոսաշրջության, ՏՏ և ճշգրիտ ճարտարագիտության ոլորտներում:
Աշխատանքի վրա հիմնված ուսուցման հեռանկարային այս մոդելը՝ դուալ համակարգը, լավագույն հնարավորությունն է ընձեռում ուսանողներին՝ դասեր քաղելու անմիջապես աշխատանքային գործընթացներից՝ տեսական գիտելիքներ ստանալով կրթական հաստատությունում և միաժամանակ գործնական հմտություններ ձեռք բերելով մասնավոր ընկերություններում: Դուալ կրթական համակարգի առանցքում մասնավոր հատվածի ներգրավումն է մասնագիտական ուսուցման գործընթացներին և համագործակցությունը կրթական հաստատությունների հետ՝ աշխատաշուկայի պահանջներին համապատասխան մասնագիտական ուսուցման ծրագրեր մշակելու համար:
2019 թ. ծրագիրն աջակցություն ցուցաբերեց ՀՀ կառավարության «Աշխատի՛ր Հայաստան» նախաձեռնությանը՝ համատեղ ջանքերով նպաստելու մարդու կյանքի որակի շարունակական բարելավմանը՝ աշխատանքի և մասնագիտական ինքնաիրացման ճանապարհով:
Համագործակցության շրջանակում, այլ աջակցության գործողությունների հետ մեկտեղ, ստեղծվեցին չորս ֆիլմեր, որտեղ ներկայացվում են Վայոց ձորում ներդրված գինեգործություն, Երևանում, Շիրակի և Լոռու մարզերում՝ զբոսաշրջություն, Երևանում և Տավուշի մարզում՝ ճշգրիտ ճարտարագիտություն, Երևանում, Շիրակի և Լոռու մարզերում՝ տեղեկատվական տեխնոլոգիաներ մասնագիտությունները: Ֆիլմերում ուսանողները, հանրային և մասնավոր հատվածների գործընկերները գնահատում են ինչպես աշխատաշուկա-կրթություն արդեն ձևավորված կապերի կարևորությունը, այնպես էլ ներկայացնում ապագայում սովորողների ձեռներեցությամբ զբաղվելու հնարավորությունները:
Իսկ թե ինչպես է ընթանում համակարգի ներդրման գործընթացը ճշգրիտ ճարտարագիտության (մեխատրոնիկա) ոլորտում, պատմում են հենց ուսանողները, դասավանդողները, հանրային և մասնավոր հատվածի ներկայացուցիչները:
Դուալ համակարգի մասին ավելի մանրամասն՝ այստեղ http://escs.am/am/static/dual?s=edu

#CivilNet #ՍիվիլՆեթ

Subscribe to our channel: https://goo.gl/UnKG5U
Follow us on Instagram:   / civilnet.am  
Follow us on Twitter:   / civilnettv  
Find us on Facebook:   / civilnet.tv  
Check our website: https://www.civilnet.am/
End Screen photo credit to Vardan Petrosyan

© Նյութի հեղինակային իրավունքները պատկանում են Սիվիլիթաս հիմնադրամին: ՍիվիլՆեթի խմբագրական քաղաքականության համաձայն` արգելվում է օգտագործել ՍիվիլՆեթի նյութերը առանց պատշաճ հղման, ներբեռնել և այլ օնլայն հարթակից վերբեռնել ՍիվիլՆեթի պատրաստած և տարբերանշանը կրող տեսանյութերը` առանց համապատասխան համաձայնության:

© Copyright of this report belongs to the Civilitas Foundation. In accordance with the editorial policy of CivilNet (the media project of the Civilitas Foundation), materials may not be reproduced, distributed, transmitted, displayed, published or broadcast without the prior consent of CivilNet. You may not alter or remove any trademark, copyright or other notice from copies of the content.