Л.ДАЙРИЙМАА "ШИНЭ ЭХНЭР" өгүүллэг сонсох /oguulleg sonsoh/ uguulleg sonsoh

Описание: Шинэ эхнэр
Даржааг сэрэхэд түүний хажууд царайлаг нь аргагүй хүүхэн сууж байв. Тэр – энэ хүүхэн чинь хэн билээ гэж бодсон боловч хэн гэдгийг нь санасангүй. Түүнийг юу гэж хэлэхээ мэдэхгүй байж байтал нөгөөх хүүхэн – хүүе миний хань хэсэг сайхан унтчихлаа шүү гэхэд нэрэлхсэн Даржаа – харин тэглээ гээд өндийж суув. Мөнөөх бүсгүй түүнд аягатай цай авчирч өгөөд түүний урд хүрэн өнгөтэй хуучны хийцийн явган ширээ дөхүүлж тавив. Бүсгүй том модон аягатай хоол авчраад ширээн дээр тавьж Даржаад ишин дээрээ хээтэй мөнгөн халбага өгөн хажууд нь суулаа. Бүсгүй түүний хацар дээр үнсэн – миний хань хоолоо халуун дээр нь хурдхан идчих гэх аж. Гэтэл хаалга онгойн гаднаас нэг хүн орж ирсэн нь Даржаагийн дүү Жадамба байх бөгөөд – за та хоёроор сонин сайхан гэхэд Даржаа – тайван даа танайхаар сонин, эхнэр хүүхдүүд нь сайн уу гэлээ. Жадамба - сайн гээд ахруугаа дөхөж суухад нөгөө хүүхэн түүнд гоёмсог мөнгөн тавагтай боорцог, ааруул авч өгөөд – эгч нь хоол аягалаад ирье гээд гал тогооны өрөөрүү оров. Даржаа ухасхийн дүүгийнхээ чихэн дээр – энэ хүүхэн хэн бэ – ханиа ханиа гээд байхын гэхэд – больд оо ах аа эхнэр чинь л байна ш дээ. Гэхдээ шинэ л дээ, нэр нь Өнөрөө гэхэд Даржаа гайхан – би энэнээс өмнө нь эхнэртэй байсан юм уу гэхэд Жадамба толгойгоо дохив. Даржаа – үгүй яахав ээ дажгүй л хүүхэн юм. Бодвол өмнөхөөсөө дээрдүүлсэн л байх гэж бодож амжжээ. Эхнэр нь ч аягатай хоол барьсаар орж ирлээ. Хоолоо идэж дуусаад дүү нь – ах ачааны машинаа өнөөдөр хэрэглүүлээч бөөн цөөн юм зөөх гээд гэхэд Даржаа тэг ээ тэг гэв.