#Sports

Описание: လီဗာပူးလ်အသင်း၏ လူငယ်ကြယ်ပွင့် နူမိုဟာ အသင်းနှင့် ပထမဆုံး ပရော်ဖက်ရှင်နယ်စာချုပ် ချုပ်ဆို
လန်ဒန်၊ စက်တင်ဘာ ၂၇ ရက် (ဆင်ဟွာ)
ပရီးမီးယားလိဂ်ချန်ပီယံ လီဗာပူးလ်အသင်း၏ ဆယ်ကျော်သက်ကြယ်ပွင့် ရီယို နူမိုဟာမှာ အသင်းနှင့်အတူ ပထမဆုံး ပရော်ဖက်ရှင်နယ်စာချုပ် ချုပ်ဆိုခဲ့ကြောင်း သိရသည်။

လွန်ခဲ့သည့်လက ပရီးမီးယားလိဂ်ပွဲဦးထွက်၌ နယူးကာဆယ်အသင်းဘက်သို့ ပွဲချိန် မိနစ် ၁၀၀ တွင် ဒရာမာဆန်ဆန် အနိုင်ဂိုးသွင်းယူခဲ့သည့် အဆိုပါ အသက် ၁၇ နှစ်အရွယ် တိုက်စစ်ကစားသမားမှာ ၂၀၂၄ ခုနှစ် စက်တင်ဘာလက ချဲလ်ဆီးအသင်း အကယ်ဒမီမှ လီဗာပူးလ်အသင်းထံ ပြောင်းရွှေ့ခဲ့ခြင်းဖြစ်ကာ အသင်းကြီးအတွက် ငါးပွဲပါဝင်ကစားထားပြီးဖြစ်သည်။
နူမိုဟာမှာ ယခုနှစ် ဇန်နဝါရီလက အက်ခရင်တန်အသင်းအား ၄-၀ ဂိုးဖြင့် အနိုင်ရရှိခဲ့သည့် အက်ဖ်အေဖလား ပွဲစဉ်၌ အသက် ၁၆ နှစ်နှင့် ၁၃၅ ရက်ဖြင့် လီဗာပူးလ်အသင်းအတွက် ပွဲဦးထွက်ကစားခွင့် ရရှိခဲ့ကာ အသင်း၏ အသက်အငယ်ဆုံး ပွဲထွက်ခွင့်ရခဲ့သည့် ကစားသမားအဖြစ် မှတ်တမ်းဝင်ခဲ့သည်။ ၎င်းအနေဖြင့် ယခုလအစောပိုင်းက အိမ်ကွင်း အန်ဖီးလ်တွင် လီဗာပူးလ်က အက်သလက်တီကို မက်ဒရစ်အား အနိုင်ရရှိခဲ့သည့် ပွဲစဉ်၌လည်း ချန်ပီယံလိဂ် ပွဲဦးထွက်အဖြစ် ပါဝင်ကစားခွင့်ရခဲ့သည်။
အလားအလာကောင်းမွန်သည့် အရည်အသွေးမြင့် လူငယ်ကစားသမားတစ်ဦးဖြစ်သည့် နူမိုဟာမှာ ချဲလ်ဆီးအကယ်ဒမီတွင် ကစားခဲ့စဉ်က ၎င်းအရွယ် လူငယ်ကစားသမားများအနက် ထင်ပေါ်ကျော်ကြားသည့် ပါရမီရှင်တစ်ဦးအဖြစ် သတ်မှတ်ခံခဲ့ရကာ ချဲလ်ဆီးအသင်းဘက်က အာမခံချက်များနှင့် မက်မောလောက်ဖွယ် ကမ်းလှမ်းမှုများဖြင့် စည်းရုံးခဲ့သော်လည်း ၎င်းကမူ ပထမအသင်းတွင် ပွဲထွက်ကစားခွင့်ရရေးအတွက် ပိုမိုသေချာမည့် လမ်းကြောင်းကို ရှာဖွေရန်အတွက် အန်ဖီးလ်သို့ ပြောင်းရွှေ့ရန် ဆုံးဖြတ်ခဲ့ခြင်းဖြစ်သည်။
လီဗာပူးလ်အသင်းမန်နေဂျာ အာနယ် ဆလော့က ရာသီကြိုခြေစမ်းပွဲများတွင် ၎င်းအား အသင်းကြီးလူစာရင်း၌ ထည့်သွင်းကစားစေခဲ့ရာ အေစီမီလန်၊ ယိုကိုဟားမား အက်ဖ် မာရီနို့စ်၊ အက်သလက်တစ် ဘီဘာအို အသင်းတို့နှင့် ပွဲစဉ်များတွင် ခြေစွမ်းပြနိုင်ခဲ့ပြီး သွင်းဂိုးများနှင့် ဂိုးဖန်တီးမှုများ ပြုလုပ်နိုင်ခဲ့ပြီး ဘီဘာအိုနှင့် ပွဲစဉ်တွင် ပွဲချိန်နှစ်မိနစ်အတွင်း ဂိုးသွင်းယူနိုင်ခဲ့သည့်အတွက် ပရိသတ်များ၏ သောင်းသောင်းဖြဖြ အားပေးမှုကို ရရှိခဲ့သည်။
ထို့ပြင် နူမိုဟာမှာ သက်တမ်းအလိုက် လူငယ်ဘောလုံးပြိုင်ပွဲများတွင်လည်း အင်္ဂလန်အသင်းအတွက် ကိုယ်စားပြုပါဝင်ကစားခဲ့ကာ စက်တင်ဘာ ၃ ရက်က ယူ-၁၉ အသင်းအတွက် ပွဲဦးထွက်ပါဝင်ကစားခွင့် ရရှိခဲ့သည်။
လီဗာပူးလ်အသင်းဘက်က နူမိုဟာ၏ စာချုပ်သက်တမ်းနှင့် ပတ်သက်၍မူ ထုတ်ပြန်ခဲ့ခြင်းမရှိပေ။ (Xinhua)
#Sports #Liverpool #Ngumoha #ProfessionalContract #အားကစား #လီဗာပူးလ် #နူမိုဟာ #ပရော်ဖက်ရှင်နယ်စာချုပ်
..................
(English Version)
Liverpool's Ngumoha signs first professional contract after breakthrough season
LONDON, Sept. 25 (Xinhua) -- Rio Ngumoha has signed his first professional contract with the Premier League champion Liverpool.
The 17-year-old forward, who scored a dramatic 100th-minute winner against Newcastle on his Premier League debut last month, joined the Reds from Chelsea's academy in September 2024. He has since made five senior appearances.
Ngumoha became Liverpool's youngest-ever starter in January, aged 16 years and 135 days, during a 4-0 FA Cup win over Accrington. He also made his Champions League debut earlier this month in a victory over Atletico Madrid at Anfield.
A highly rated prospect, Ngumoha was regarded as the standout talent of his age group at Chelsea, but opted to move to Anfield in search of a clearer pathway to first-team football, despite assurances and lucrative offers from the Blues.
Manager Arne Slot integrated him into the senior squad during pre-season, where he impressed with goals and assists against AC Milan, Yokohama F. Marinos, and Athletic Bilbao - scoring within two minutes of the latter match and leaving to a standing ovation.
Ngumoha has also represented England at various youth levels, making his under-19 debut on 3 September.
Liverpool has not disclosed the length of his new deal.