Aksyon Laban sa Kahirapan - Season 2 – Episode 49

Описание: Tampok sa ika-49 na episode ang panayam kay NAPC – Indigenous Peoples Sectoral (IPS) Council Member Anabel Lawagan Flores, sa programang Rise and Shine Pilipinas ng PTV-4, Setyembre 11.

Tinalakay ni CM Flores ang mga pangunahing isyu na kinakaharap ng kanilang sektor, partikular na ang pagpasok ng malalaking kumpanya sa kanilang lupang ninuno ng walang Free, Prior, and Informed Consent (FPIC).

Ibinahagi rin niya ang tungkol sa Ancestral Domain Sustainable Development and Protection Plan (ADSDPP) na binabalangkas mismo ng mga katutubo at mga katutubong pamayanan. Layon ng ADSDPP na bigyang-prayoridad ang proteksyon ng lupang ninuno, pagpapanatili ng kultura at tradisyon, pagkakaroon ng angkop na kabuhayan, at akses sa edukasyon na saklaw ang lahat ng mahalagang aspeto para sa kaunlaran ng mga katutubo.

Binigyang-diin ni CM Flores na ang mga ADSDPP na ginawa mismo ng mga katutubo na dapat i-adopt ng mga Local Government Unit (LGU) upang magkaroon ito ng sapat na pondo. Kaya’t mahalaga ang pakikipagtulungan ng parehong LGUs at mga ahensya ng pambansang pamahalaan, pati na rin ang pagpapatupad ng FPIC.

Inilahad din niya ang kahalagahan ng convergence na nagsusulong ng pagtutulungan ng iba’t ibang ahensya ng pamahalaan upang pagsamahin ang pondo, mga programa, at serbisyo tungo sa iisang layunin — ang itaguyod ang kapakanan at karapatan ng mga katutubong pamayanan.

#NAPC26
#AksyonLabanSaKahirapan
#BagongPilipinas