رجز

Описание: مرحوم ياللي سيرته سطرها
في صفحة امجاد العرب مكتوبه
معيوف سطر سيرة محسوبه
وبهيبته وبحكمته عطرها

يميز الجابه ويتقطرها
مااحد يجاري حكمته واسلوبه
يالله تغفر له جميع ذنوبه
واجبر فهم وارفق على خطرها

عبدالحميد الفهمي

يارب جملني وسدد سهمي
واقلط مع اهل الطيب يوم القلطه
واشوم عن درب الخطا والغلطه
مايتبع الجهميه الا جهمي

معاد يقنعني ويشبع نهمي
شعر الرجز والنظم والا القلطه
من بعد ودعنا زعيم السلطه
متنبي العصر الاديب الفهمي

مرزوق. الفهمي

يالله يلي مارجينا غيرك
ونوحدك ونصوم لك ونصلي
تغفر لشيخ الشعر معيوف الِّي
ماله بديل الا عوضك وخيرك


كسراً كبير ويجبره تجبيرك
يارب تجعل منزله متعلي
وانت الكريم الواحد المتولي
والكون في حكمك وفي تدبيرك

عبدالرازق الفهمي

ياوقت وش تحمل فذمة بكره
مما نحب يكون والا نكره
في كل يومٍ نفتقد ونودع
والمنتظر تبرم عليه المكره

معيوف مايخفى علينا ذكره
فالمرجلة وبيوته المبتكره
يرثيه بالابداع كل امبدع
غير اللحن والمفرده والفكره

سليمان الخالدي

لو مات واقفى ماتموت السمعه
مرحوم ياللي سيرته ماقفت
في اسمه موازين الثنا ماخفت
فيه الشعر والمرجله مجتمعه

شعر الرجز بعده يهل الدمعه
محاجره من دمعها ماجفت
معيوف لا من الصفوف اصتفت
يحكم على الذويق يرخي سمعه

فواز القارحي

الشعر والشعار تنعا تنعا
تنعاك يالصوت الجميل الغايب
يامطرب الجمهور شب وشايب
من الشمال اليا مضارب صنعا

وجهت للقبلة واسبح وادعا
واللي اتجه لله ماهو خايب
اغفر لعبداً عن ذنوبه تايب
عداد ما لبوا حجيح المسعا

خالد الخالدي

كلأ تحدث من ضميره واسهب .
واحنا على نهج الوفاء والمله .
يكفيك عن كثر الكلام وقله .
معيوف تبقى سيرته ماتذهب .

مرحوم ياشيخ العفو والمذهب
والهامة اللي ماتعرف الذله
مرحوم يامكرم ضيوف الحله
يوم العشاء معدوم والوقت اشهب

مسفر الجحدلي

لو يبكي الشعر ويهل العبره
خله يهل الدمع لحد يلومه
في فقد شيخٍ ما تكلّ عزومه
ابو محيسن عطر الله قبره

شاعر وشيخ وسيرته معتبره
ستين عام وهو يمثل قومه
عزالله انه عارفه من يومه
ياحظ من يملك دهاه وصبره

سعود الجحدلي

الموت حق وكل نفس تغادر
ولا يدوم الا الولي سبحانه
رب العباد اللي تعلا شانه
الباسط الحي السميع القادر

اليومه الساحه تودع شاعر
ركنن من اركان الشعر واعيانه
معيوف راعي السمعه الرنانه
والحزن كلن به يحس وشاعر

طليان الجحدلي

مرحوم يارمز الشعر والمعنا
معيوف صاحب فضل جدره باني
بالمعرفه وأسلوبه الرباني
حتى لوانه غاب يبقى معنا

لويستجيب الموت قلنا دعنا
لاكن هلاك الحي بعد الفاني
وسط القبور وداخل الاكفاني
كم حي لاقينا وكم ودعنا

عيضه بن جوده

عزالله إن الشعر فاقد غالي
معيوف جعل الله ينور قبره
كسرا على الخاطر مطول جبره
لو طال عمري بالزمان التالي

ياكثر مالك يالحزن في بالي
والشعر والجمهور نافذ صبره
ماعاد فيه الا الاسى والعبره
لطفك وعفوك يالكريم الوالي

زايد السفياني

يالله ياللي مال غيرك نعبد
تغفر لمعيوف وتنور قبره
وتلحقه بالصالحين العشره
اللي لهم كل الخلايق تشهد

في جنةً فيها يعيش ويسعد
ياعالماً تسمع دبيب الذره
انت الرحيم وخلقك المضطره
يوم اللي في الدنيا يزول ويصعد ‏

عايد السفياني

رحلت يا معيوف لكن باقي
في قلوبنا ذكرك وقدرك حيا
يا شاعراً منته غشيم وعيـا
شاعر وعشت بطيّـب الاخلاقي

يا عل في الجنة مكانك راقي
وقصرك المعمور في عليّـا
وتعيش فيها راضياً مرضيـا
برحمة اللي قسّم الأرزاقي

حماد بن حامد اليزيدي