trapenarella - peppe barra

Описание: Trapenarella. Voce di Peppe Barra. Da Tarantella ca nun va' bbona, NCCP 1975.

Trapenarella c' 'o trapenature
trapena 'a mamma e 'a figlia pure
e trapenianno 'mmiezo a 'sti guaie
canto 'a canzone d' 'a cuccuvaia
'Na signurina cammina p' 'a strada
'nu giuvinotto lle fa 'na guardata
e chella ch' è subito femmena onesta
areto 'o purtone s' aiza 'a vesta

San Genna' pienzace tu
ca tanto d' 'e corna nun se campa cchiù

'Nu prevete 'ncoppa all' altare maggiore
te pare 'nu santo predecatore
ma quanno va rinto 'a sacrestia
vo' mille lire p' 'a Avummaria

San Genna' tu vide a chiste
'mbrogliano pure a Gesù Cristo

Nuce nucelle castagne 'nfurnate
quante paise aggio curriato
'a Torre d' 'o Grieco e 'a Nunziata
e quante guaie c' aggio truvato
e quante difiette c' aggio cantato
'E cul' a mappata so' è veneziane
'e magnapolenta songo 'e Milano
'e meglie cantante stanno a Giugliano
'e tirapistole stanno a Casale
'E facce toste songo italiane
'e cchiù mafiuse so' siciliane
e po' 'e sbruffune songhe 'e rumane
'e femmene belle so' napulitane
'e mazz' 'e scopa so' americane
'E 'mbruogliamestiere so' ll' ingegnere,
'e 'mbruogliamalate so' ll' avvocate
'e prievete fann' 'e zucalanterne
'e cchiù mariuole stann' 'o guverno

San Genna' dice ca sì
chi 'o ssape comme va' a ffernì

'Na signurina a via Dei Mille
s' ha miso 'a parrucca 'a copp' 'e capille
quanno va 'a casa se magna 'e purpette
e chi teme famme guarda 'e rimpette
'Nu giuvinotto cu 'e sorde d' 'o pato
s'accatta 'o cazone 'mpusunato
po' va dint' 'a machina allero allero
e vo' mena' sotto a chi va a ppere
E cunuscite a 'sti "milorde"
e chille stanno 'nguaiate 'e sorde
'e pate so' tanti scurnacchiate
e campano 'ncopp' 'a famme 'e ll' ate

San Genna' pienzace tu
ca tanto d' 'e 'mbruoglie nun se campa cchiù

Me ne vaco pe' sotto 'o muro
e sento addore d' 'e maccarune
Me ne vaco pe' Qualiano
e sento addore d' 'e patane
Me ne vaco p' 'o Ranatiello
e sento addore d' 'e friarielle
Ma si vaco add' 'o putecaro
tutte cose va cchiù caro
ma verite quanno maie
'sta miseria va aumentanno
e aumenta ogge e aumenta dimane
e doppodimane
sabbato sì e dummeneca no
chi fatica se more 'e famme
'na vota ca sì e 'na vota ca no
chi fatica se more 'e famme
'na vota ca sì e 'na vota ca no