راهب الهواشم l أحمد العويناتي l ليلة ٢٥ رجب l موكب عزاء أهالي البحرين

Описание: ( راهب الهواشم )

الرادود أحمد العويناتي
الشاعر عقيل العلواني

موكب عزاء أهالي البحرين - الكاظمية المقدسة
ليلة ٢٥ رجب - ذكرى شهادة الإمام الكاظم (ع)
1446هـ - 2025

الهندسة الصوتية : علي إبراهيم نصيف
مونتاج : علي إبراهيم محمد

مخطوطة : خادم الحسين

إنتاج الفردان ميديا للإنتاج الحسيني

------------------------------------

•— الكلمات —•

الكاظم

على المَوعد إجينه وانتَظرنا
مواكب للعزا كلنه حَضرنا
نِعزّي الهاشميّة .. باراضي الكاظميّة

ـ🏴🏴🏴 1

بالمثَل گالَوا أهلنا : لو عِشِت ليلة ابرَجَب
عينك اتشوف وتِعاين، قصّة أعجَب من عَجَب
بروي قصّة امن المصايب، ما أحَد عنها كَتَب
عَن إمام ابسجنه عايش، يكظم ابحلمه الغَضَب

راهب الهواشِم / سَطَّر الملاحِم
حَيّر الأعادي / غيظه عنها كاظِم

مِن عَزِم جُدودَه / هو أَسَر وُجودَه
سَوّا بالأيادي / أوسِمة قُيودَه!!

أَسَر موسى العدا ابنعشه وأَسَرنا
على المَوعد إجينه وانتظرنا

ـ🏴🏴🏴 2

يا خلق شفتوا جنازة بالحديد امگَيدة؟!
شفتوا مقتول اعلى نعشه منه مرعوبة العِدا؟!
هذي مو جثة طريحة هذي جنّة امّمَدَّدَة
روحي وارواح الخلايگ كلها للغالي فِدا

جثته مَهيبة / آسرة الكتيبة
للجسر تِشَيعه / فاجعة و مصيبة

يرعب ابسكوته / يرهب ابقُنوته
مُذهِل ابزئيره / لو تِعالى صوته!!

مثل صُوْر الحشر صاح وْ نَشَرنا
على المَوعد إجينه وانتظرنا

ـ🏴🏴🏴 3

عالجسر شفنا سفينة بالمهابة راسِية
ذابَت اعليها الرواسي والقلوب القاسِيَة
ذَكّرَتني ابموسى بِاليَمّ يوم مَرّ ابآسِية
شالته امن الموت وامّه خايفة و مو ناسِيَة

للگَصُر تشيله / آسِيَة الجليلة
وللگَبر وسافة / بوالرضا نِشيله!!

واقعي خَيالي / شَيَّب الليالي
تنحب الرصافة / تبگه للتوالي

مَهَد تحت الجسر، مَهْد ابجسرنا
على المَوعد إجينه وانتظرنا

ـ🏴🏴🏴 4

يا أسَد هذا اللي رابض بالسلاسل يا جَبَل؟!
إخلَع انعالَك يا حاضر هذا بِن خَير العَمَل!!
هذا أهل البيت ومرمي ابلا محامي و لا أَهَل!!
هذا هو باب الحوايِج عالجسر مال ونزَل!!

وارث النجيبة / مِن سأَل يِجيبه
ما أحد يعينه / مندهش طَبيبه!!

وينه عنّه أهله؟! / وابنه من يدلّه
خل يجي الـ وداعه / منهو بَس يِگِلَّه؟!

عَلى الزهرا وعَلِي وطه أجرنا
على المَوعد إجينه وانتظرنا

ـ🏴🏴🏴 5

موسى بن عمران ايشابه موسى بن جعفر وَاقُرّ
واحد ابتابوته باليَم يحمِلونه للقَصُر
واحد ابتابوته مرمي وسفة ينزل بالقبُر
واحد ايعيش ابمعزّة وواحد ابسجن وصَبُر!!

واحد ابهمومه / يشتكي سمومه
وواحد ابسعادة / حاطته الأمومة

موسى ويا فرعون / موسى ويّا هارون
هالقصص عجيبة / وانتوا بيها تدرون

كتبناها على المهجة و حفرنا
على المَوعد إجينه وانتظرنا

ـ🏴🏴🏴 6 فصيح

مالَ طَودُ الدينِ فابكوا يا لها من فاجِعَة!!
كَيفَ ما مالَت على الناسِ السماءُ السابِعَة؟!
كيفَ ما زالت سَمانا بعدَ موسى ساطِعَة؟!
ضاقتِ الدنيا عَلَينا والأراضي الواسِعَة!!

طَأطِئي الرؤوسا / هَيّئي النفوسا
واعلني النواعي / راحَ عَنكِ موسى

قد سَجى الظلامُ / مُذ مَضى السلامُ
وابتدا النياحُ / وانتهى الكَلامُ

طُفَوا شمس الضحى واظلَم فَجرنا
على المَوعد إجينه وانتظرنا


*عقيل العلواني