Gondal Varadiyu Story ETV Gujarati Made By Chetan Thumar - વરાળીયું

Описание: સૌરાષ્ટ્રની તેલ-મસાલા વગરની વરાળિયુ પાર્ટી
શિયાળા દરમ્યાન સાંજે સૌરાષ્ટ્ર પંથકમાં વરાળિયાઓનાં જમણ શરૂ થઈ જાય છે. મરી-મસાલા-મરચું પાઉડર -તેલ મસાલા વગર લીલા શાકભાજીથી બનાવેલ આ અત્યંત સ્વાદિષ્ટ ખાણું છે. હાલમાં બનાવવા માટે ગોંડલ તાલુકાના લોકો સારી માસ્ટરી ધરાવે છે. તેઓ અસલ વરાળિયુ બનાવી જાણે છે. હાલમાં ગોંડલ તાલુકાનાં ગામો તથા સૌરાષ્ટ્ર વિસ્તારમાં દરરોજ વરાળિયા પાર્ટી યોજાય છે.

આવી પાર્ટીમાં ભાગ લેવા માટે શહેરોમાંથી ડોકટરો, અધિકારીઓ, વેપારીઓ રાજકારણીઓ પણ હોંશે હોંશે આવે છે. અને વરાળિયા પાર્ટીની મોજ માણીને ખુશ થઈ જાય છે.સૌરાષ્ટ્ર પંથકના ગ્રામ્ય વિસ્તારોમાં વરાળિયુ ખુબજ લોકપ્રિય છે. વરાળિયાની મહેક સૌરાષ્ટ્ર પંથકમાં ચારેબાજુ પ્રસરવા લાગી હોય એમ જણાઈ રહ્યું છે.વરાળિયા ને રોટલા, કાચો સંભારો, પાપડ, માખણ, લીંબુ, છાસ કે ઘોરવાની સાથે ખાવું એ એક લ્હાવો છે.વરાળિયા ને બનાવતા ચાર કલાકનો સમય લાગે છે. તેમાં તેલ મસાલા આવતા નથી અને તીખાશ માટે દેશી લાલ-લીલા મરચાનો ઉપયોગ અને ખટાસ માટે દેશી ટામેટા નો ઉપયોગ કરવામાં આવે છે. જેથી આરોગ્ય માટે સારો છે. પચનમાં પણ સરળ છે.વરાળિયા ને ચુલ્લા પર પાકવામાં આવે છે.જેથી તેનો સ્વાદ મીઠો આવે છે

વરાળિયાની બનાવટમાં ઉપયોગી શાકભાજી
આ વરાળિયા બનાવવા કારેલા ભીંડો, સવાયનાં શાકભાજી જેવા કે લીલું લસણ, લીલીડુંગળી, રીંગણા, બટેટા, ગુવાર, વટાણા, વાલોરનાં બી, ગલકા, દુધી, ટમેટા, લીલા મરચા, કોથમરી,લીલી તુવેર, ચોરા,આદુ, લીલી હળદળ, સક્કરીયા, ઘીસોડાં, વાલ, મીઠો લીમડો, તનજરિયા ભાજી, પાલક ભાજી, વગેરેનું જીણું કટીંગ કરીને એક ટોપમાં પાણી ભરીને તેને ઉકાળવામાં આવે છે.

વરાળિયા બનાવાની રીત
કાપેલી દરેક શાકભાજીને એક પછી એક કટિંગ કરીને ઉકળતા પાણીની અંદર તેને ઉકાળવા મુકવામાં આવે છે. અને મીઠું સ્વાદ મુજબ નાખવામાં આવે છે. ત્યારબાદ એક લાકડાનાં હાથા વડે તેને હલાવે રાખવું પડે છે. અને ચાર કલાક જેવું પાકવામાં આવે છે. આમ, આ લીલા શાકભાજી બફાયા બાદ એકદમ રગડા જેવું ઘાટું થઇ ગયા પછી આ ગરમા ગરમ વરાળિયુ કે જે પ્રવાહી જેવુ થઈ ગયુ હોઈ છે.