Klan News - Fundjava me mot të paqëndrueshëm, sinoptikanët: Ulen temperaturat, borë në zonat malore

Описание: Fundjava do të ketë mot të paqëndrueshëm. Vranësirat, por edhe reshjet e shiut, do të na shoqërojnë në orët në vijim.

“Në orët e vona të natës, mëngjesin e ditës së shtunë, sërish do të ketë vranësira, të cilat herë pas here do të kenë zhvillime që do të sjellin reshje të karakterit lokal, më së shumti në zonën bregdetare. Pjesa e dytë e ditës së shtunë do të ketë mot të qëndrueshëm. Dita e diel nis në orët e para të mëngjesit me shfaqjen e vranësirave të shpeshta. Në orët e mesditës vransirat do të kenë zhvillime, ku do të kemi reshje të pakta shiu herë pas here në formë rrebeshi, më të dukshme në jug-lindje. Në zonat e thella malore do të kemi rishfaqje të reshjeve të dëborës”, tha Hakil Osmani nga Meteoalb.

Sipas parashikimeve të sinoptikanëve, pritet një ulje e temperaturave dhe në disa zona të ketë edhe dëborë.

“Përgjatë fundjavës do të kemi rënie të temperaturave të ajrit. Vlerat minimale do të zbresin në 0 gradë, ndërsa maksimalet do të jenë 15–16 gradë Celsius. Temperaturat e ajrit nën 0 gradë në shtrirjen lindore do të bëjnë që herë pas here të ketë ngrica në rrugë”.

Edhe muaji shkurt, sipas parashikimeve të meteorologëve, do të nisë me mot të paqëndrueshëm, por temperaturat e ajrit do të pësojnë rritje.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan