ნაძალადევის რაიონში მრავალფუნქციური სპორტული კომპლექსის სრული რეაბილიტაცია განხორციელდება

Описание: თბილისის მერიის განათლების, სპორტის და ახალგაზრდულ საქმეთა საქალაქო სამსახური ნაძალადევის რაიონში სპორტული კომპლექსის სრულ რეაბილიტაციას იწყებს. სპორტულ კომპლექსში კრივის რინგი (7.8მX7.8მ), საჭიდაო მოედანი (12მX12მ), დიდი (15მX25მ) და საშუალო (15მX12.5მ) ზომის დახურული ტიპის საცურაო აუზები განთავსდება. განახლებულ კომპლექში სოციალურად დაუცველი ახალგაზრდებისთვის სხვადასხვა მუნიციპალური პროგრამები განხორციელდება და ის ყოველთვიურად 2000-მდე ბენეფიციარს მოემსახურება.

ამ დრომდე ნაძალადევის რაიონში მსგავსი ფუნქციური სპორტული კომპლექსი არ არსებობს. სამშენებლო-სარეაბილიტაციო სამუშაოებისთვის ადგილობრივი ბიუჯეტიდან 4 მილიონი ლარი გამოიყო და ის 2017 წელს დასრულდება.