adigo koluvai unnaadu alamelumangapathi

Описание: 🌺🍃🌺🍃🌺🍃🌺🍃🌺

#అన్నమయ్య_అక్షరవేదం ..సంపుటి -- 110

( #అదిగో_కొలువై_ఉన్నాడు_అలమేలుమంగపతి...)

🌺🍃🌺🍃🌺🍃🌺🍃🌺

ఓం నమో వేంకటేశాయ.🙏

అందరికీ శుభ శనివారము.

అన్నమయ్య అక్షర వేదం ..సంపుటి -- 110 కి శుభ స్వాగతం

✍️ -- మీ వేణుగోపాల్ యెల్లేపెద్ది.🙏

ప్రార్ధన ః-- 🌹🌹

అప్పడు వచ్చెను కొలువుకు,
గొప్పగ కాంతామణులను గూడి , తిరుచపై !
తప్పుకొని త్రోవ నీయరె,
చెప్పరె మీ విన్నపములు , చింతలు దీరున్ !!

✍️ --- స్వీయ పద్యము ( కందము )

నా భావము :-- 🌹🌹👇

అఖిలాండకోటి బ్రహ్మాండ నాయకుడైన ,
మన తండ్రి ( అప్పడు ) , మలయప్ప స్వామిగా , ( ఉత్సవ మూర్తిగా ) ,  కొలువుకు వేంచేస్తున్నారు ,
ఉభయ దేవేరులతో కూడి  ( తిరుచపై ) పల్లకిపై . 🙏

అందరు తప్పుకొని త్రోవ నీయండి,
భక్తితో మీ విన్నపములన్నీ చెప్పుకోండి ,
చింతలు తీరిపోవునిపుడు !! 🙏
🌹🙏🌹


అన్నమాచార్యుల వారు మలయప్ప స్వామి , ఉభయ దేవేరులకు తిరుమలలో జరిగే  ఉత్సవాలు , సేవలు , కనులకు కట్టినట్లుగా అనేక కీర్తనలలో వర్ణించారు .🙏
స్వామి వారు అమ్మవార్లతో కొలువుకు వేంచేసి,
పంచాంగ శ్రవణము విని , భక్తుల యోగ క్షేమములను వీక్షించి , భక్తుల కానుకల ఆదాయము లెక్కలు ఆసక్తి గా విని సర్వాధికారిగా కొలువులో గడుపుతున్నారట ! 🙏

మరి ఆ చక్కటి సంకీర్తన అర్ధము తెలుసుకుని పాడుకుందామా ఈ వారము ! 🙏

🌹🌹
అదిగో చూడండి ! మన స్వామి ! మన అలమేలుమంగపతి కొలువుకు వేంచేసి యున్నారు !🙏

వేవేల విధములు గా సర్వాధికారియై కొలువు తీరి , పెత్తనములు సలుపుచున్నాడు లోక క్షేమములు వినుచూ ! 🙏
🌹🙏🌹

🌹🌹
మన స్వామి ఆ రంగనాయకుల మండపములో , రత్న సింహాసనమును , అధిరోహించి ,అత్యంత వైభవముగా భాసిస్తున్నాడు ! 🙏

తన సరుసన ఉభయ దేవరులను కూడి వేచేసి యున్నాడు ఈ అమరవంద్యుడు ! 🙏

ధగ ధగ మెరిసిపోయే బంగారు పట్టు వస్త్రములు , ఆభరణములు ధరించిన శ్రీదేవీ ,భూదేవి ఇరువైపులా వేంచేసి యున్నారు శోభాయమానముగా !🙏

ఇంత అందముగా కొలువుదీరిన వీరిని సకల దేవతలూ వచ్చి  సేవిస్తున్నారు అత్యంత ఆనందముగా ! 🙏
🌹🙏🌹

🌹🌹
ఇక స్వామి కొలువును వీక్షించటానికి తండోప తండాలుగా  వచ్చిన సురలు , యక్ష గంధర్వులు , భాగవతులు , అందరినీ అదుపు చేయటానికి , ద్వారపాలకులు , ( జయ విజయులు ) వెండి , బంగారు బెత్తములను ఝుళిపిస్తునారట . 🙏

నిండైన పూల దండలును అలంకరించుకున్న స్వామి దేవేరులును చూడగా , పండు వెన్నెల అంతా అక్కడే విరిసినదా అన్నట్లుగా ఉన్నది ! 🙏

ఇక కొలువులో కూర్చున్న స్వామి వారికి ,అత్యంత శ్రధ్ధా భక్తులతో , హుండి , కానుకల లెక్కలు కట్టి చెపుతున్నారట .🙏

సర్వాధికారిగా ఆ లెక్కలన్నీ వింటూ ఠీవీ గా కూర్చున్నాడట స్వామి ! 🙏
🌹🙏🌹

🌹🌹
ఈ సకల లోకములలో ఉన్న అంగరంగ వైభ వములన్నీ స్వామి స్వీకరిస్తున్నట్లుగా ,మంగళ హారతులు పుచ్చుకుంటున్నాడట ! 🙏

అన్ని సింగారలూ కలబోసిన మన శ్రీ వేంకటేశ్వరుడు ,
ప్రక్కన దేవేరుల ప్రార్ధనలను కూడా ఆలకిస్తూ , కొలువు చేస్తున్నాడు . 🙏
🌹🙏🌹

ఈ కొలువు స్వామి చేస్తునది , లోక కళ్యాణమును కోరి , సమస్త శుభములు భక్తజనకోటికి ప్రసాదుంచుట కొరకే కదా !🙏

స్వామి కొలువు సదా శుభమంగళమౌ గాక !! 🙏

ఓమ్ శ్రీ అలమేలుమంగా సమేత శ్రీ వేంకటేశాయ నమః🙏

తాత్పర్య సహిత దృశ్య మాలికగా మీకు అందించాలన్న నా చిన్న ప్రయత్నమును ఆశీర్వదిస్తారని ఆశిస్తూ..🙏
దోషములున్న...మన్నించమని విన్నపము... 🙏

(  అన్నమయ్య అక్షర వేదం --- సంపుటి 110 )

✍️ ---వేణుగోపాల్ యెల్లేపెద్ది🙏


🌺🍃🌺🍃🌺🍃🌺🍃🌺

    🌹🌹 సంకీర్తన 🌹🌹👇

పల్లవి

అదిగో కొలువై వున్నాడు అలమేలు మంగపతి
పదివేల విధములను పారు పత్తెము చేయుచు

చరణం

రంగ మండపములో- రత్న సింహాసనముపై
అంగనామణులతొ - అమరవేంచేసి
బంగారు పావడలు-  పసరించి యిరుగడల
శృంగారముగ సురలు - సేవ సేయగను

చరణం

వెండి పైడి గుదియలను – వేత్రహస్తులు పొగడ
నిండు వెన్నెల పూల - దండలు అమర
గుండిగలు కానుకలను పొనర లెక్కలు చేయ
దండిమీరగ నిపుడు దేవరాయడు చెలగి

చరణం

అంగ రంగ వైభవముల రంగుగా చేకొనుచు
మంగళ హారతుల మహిమ వెలసీ
శృంగార మైనట్టిమా శ్రీవేంకటాధిపుడు
అంగనలు కొలువగాను యిపుడు వేంచేసి

🌹🙏🌹

#AnnamayyaAksharaVedam Episode

#AdigoKoluvaiUnnaadu_Alamelumangapathi..
#spbsongs #spbannamayya