“ကိုဗစ်တာခင်ညို နဲ့ စကားဝိုင်း”အပိုင်း ၁(စတီရီယိုကဖေးမှစီစဉ်တင်ခြင်း)

Описание: ကိုဘော်နီ ရဲ့ အထူးစီစဉ်ပေးမှု့နဲ့
ဧပြီလ ၈ ရက်၊ ၂၀၂၄ က
ရန်ကုန်မြို့ ကိုဘော်နီ့ရဲ့အိမ်မှာပြုလုပ်ခဲ့တဲ့ ကိုဗစ်တာခင်ညို နဲ့ စကားဝိုင်း”
အပိုင်း ၁
(စတီရီယိုကဖေးမှစီစဉ်တင်ဆက်ခြင်း)
မူပိုင် စတီရီယိုကဖေး
(ကို)ဗစ်တာခင်ညို နဲ့ စကားဝိုင်း”
(ကျေးဇူးတင်စကား)
မနှစ်က ကိုဘော်နီစီစဉ်ပေးလို့ သူ့အိမ်မှာပြောခဲ့တဲ့ ဒီ ကိုဗစ်တာ နဲ့ စကားဝိုင်း ဗီဒီယိုလေးကို တင်ပြခွင့်ရလို့ ကိုဗစ်တာရဲ့ဇနီး အမကြီးဒေါ်မြမြစိမ်းနဲ့ မိသားစုအားလုံးကို ကျေးဇူးအထူးတင်ရှိကြောင်း အရင်ဦးဆုံးပြောချင်ပါတယ်။
မြန်မာစတီရီယိုခေတ်မစခင် BBS Local Talents ခေတ်ထဲကစပြီး ဂစ်တာတီး၊ သီချင်းဆိုခဲ့တဲ့ ကိုဗစ်တာ့ရဲ့ အဖိုးမဖြတ်နိုင်တဲ့ အတွေ့အကြုံတွေကို အားလုံးသိရအောင်၊ မှတ်တမ်းမှတ်ရာ ကျန်ခဲ့အောင် ကိုဘော်နီ နဲ့ ကျနော်တို့စတီရီယိုကဖီး အတူစီစဉ်ခဲ့ကြတာပါ။ ကျနော်တို့ ၃ယောက် ၁၉၇၉ မြန်မာ့အာမခံသင်္ကြန်ခုနှစ်တွေထဲက သိကျွမ်းခဲ့ကြတာ နှစ်ပေါင်း ၄၀ ကျော်ပါပဲ။ ကျမ္မာရေးသိပ်မကောင်းတဲ့ကြားက ကျနော့်ကို ဝမ်းသာအားရ၊ မဆိုင်းမတွ စကားပြောပေးတဲ့ ကိုဗစ်တာကိုလည်း ကျေးဇူးအထူးတင်ရပါတယ်။ ကိုဘော်နီကလည်း ဖုန်းကင်မရာ ၂လုံးနဲ့ Messenger တဖက်၊ ဗီဒီယိုရိုက်တာကတဖက်၊ ဝင်လည်းပြောပေးပါတယ်။ ဒုတိယအကြိမ်ပြောတဲ့ နိုင်ဝင်ဘာ ၂၀၂၄ ပြီးတော့ ကိုဘော်နီလည်း ကျမ္မာရေးမကောင်းဖြစ်လာလို့ ဘန်ကောက်ကိုထွက်သွားခဲ့ပါတယ်။ အခုတော့ ချစ်သူငယ်ချင်းနှစ်ယောက်လုံး မရှိတော့ပါဘူး။
နှစ် ၅၀ နီးပါးကြာခဲ့တဲ့ သူတို့ရဲ့ခင်မင်မှု့က ထူးခြားအမှတ်ရစရာပါ။
ဒီအပိုင်း-၁ မှာ BBS Local Talents program အကြောင်းနဲ့ ကိုဗစ်တာရဲ့ Shades အဖွဲ့အကြောင်း၊ အဲဒီကနေ Play Boy အဖွဲ့သစ်ဖွဲ့တဲ့အကြောင်း၊ ကိုဗစ်တာ့ရဲ့ ပထမစီးရီးနဲ့ နောက်ဆုံး မူလ ပလေးဘွိုင်အဖွဲ့ကွဲရာကနေ LPJ အဖွဲ့ စဖွဲ့တဲ့အထိ ပြောထားပါတယ်။
ဒီနှစ်စဦးက တင်ဖို့ပေမယ့် နိုင်ငံရေးအခြေအနေ၊ ငလျင်နဲ့ အကြောင်းအမျိုးမျိုးကြောင့် အခုမှထုတ်လွှင့်ဖြစ်တာပါ။
အမှားများပါခဲ့ရင် ခွင့်လွှတ်နားလည်ပေးစေလိုပါတယ်။
ဒီစကားဝိုင်းလေးပြန်ကြည့်ရင်း ကိုဗစ်တာ့ရဲ့ပုံရိပ်လေးတွေ၊ သူ့အပြုံးလေးတွေမြင်ရ၊ ကိုဘော်နီ့အသံကြားရတော့ သူတို့ကို လွမ်းဆွတ်အောင်းမေ့မိပါတယ်။ သူမရှိတော့တာ မြန်မာစတီရီယိုလောကအတွက် ကြီးမားသောဆုံးရှုံးမှု့တခုပါပဲ။
ချစ်သောအကိုကြီး ကိုဗစ်တာ နဲ့ ကိုဘော်နီ
ကောင်းမြတ်ရာဘုံဘဝမှာစံစားရပါစေ 🙏
ကဖီးမိတ်ဆွေများ ကျမ္မာစိတ်ချမ်းမြေ့ကြပါစေ။
စတီရီယိုကဖီး
Stereo Cafe ☕️
September 27. 2025
(Victor Khin Nyo Cafe Talk Part I)