Նապոլեոն Հիլի գլխավոր բանալին․ մաս 1(1954թ․)

Описание: «Մարդ հասնում է նրան՝ ինչին հավատում է»․ սա է ամերիկացի գրող Նապոլեոն Հիլլի գլխավոր ուղերձներից մեկը մարդուն։ Նա իր գործունեության ընթացքում ուսումնասիրել է բազմաթիվ հաջողակ գործարարների աշխատաոճը, կատարել սեփական վերլուծություններն, և այդ ամենը շարադրել իր աշխարհահռչակ գրքում՝ «Մտածիր և հարստացիր», որը, դեռ իր կենդանության օրոք, վաճառվել էր արդեն ավելի քան 20 միլիոն օրինակով՝ ամբողջ աշխարհում։
Նապոլեոն Հիլլը ապացուցում է, որ մարդու իրականությունը բխում է իր մտքից, և ինչ որ մտածում է ու ինչին հավատում է, այն էլ իր մտքից բերում է իրականություն՝ ֆիզիկական աշխարհ։
Արդյունքը լինում է միայն տքնաջան աշխատանքի շնորհիվ։ Իսկ մարդն այդպես կաշխատի, եթե հավատում է իրեն ու իր ձեռքբերելիք արդյունքին։
Ուրեմն պետք է ձևավորել հավատ։
Ի՞նչ է պակասում մարդուն, եթե որևէ ասպարեզում նա չի հավատում ինքն իրեն․ ինքնավստահություն։ Այդ դեպքում ի՞նչ է պակասում նրան, եթե ինքնավստահ չէ․ հմտություն։ Իսկ ինչո՞ւ չկա հմտություն․ պակասում է փորձը։ Ի՞նչ է անհրաժեշտ՝ փորձ կուտակելու համար․ գիտելիք, որն անհրաժեշտ է կիրառել գործի մեջ, որն անդադար կրկնելու դեպքում է կուտակվում փորձը։ Կուտակված փորձն ի վերջո ձևավորում է հմտություն։ Երբ մարդ հմուտ է, դառնում է ինքնավստահ՝ իր ոլորտում։ Իսկ ինքն իր վրա վստահ մարդը ինչպե՞ս կարող է չհավատալ, որ կարող է ցանկալի արդյունքի հասնել։
Ուրեմն ցանկացած ոլորտում նախ անհրաժեշտ է գիտելիք։