Məktəbimizin şagirdi olan Şəhid Anar Bahadurovun anım gününün beşinci ildönümunə həsr olunmuş tədbir

Описание: "Vətənimizin azadlığı uğrunda öz canını fəda edən Şəhid Anar Bahadurovun şəhadətinin beşinci ildönümünə həsr olunmuş tədbir keçirilmişdir".
______
Sabirabad şəhəri Nizami Gəncəvi adına 5 nömrəli tam orta ümumtəhsil məktəbində ,məktəbimizin şagirdi olmuş Şəhid Anar Bahadurovun şəhadətinin beşinci ildönümünə həsr olunmuş tədbir keçirilmişdir.Tədbirdə Anar Bahadurovun ailəsi ilə yanaşı digər şəhid valideynləri,Mil-Muğan Regional Təhsil İdarəsinin məsul əməkdaşları eləcə də Sabirabad rayon Təhsil İşçiləri Həmkarlar Komitəsinin sədri Seyidhüseyn Hüseynov qonaq qismində iştirak etmişdilər.Tədbiri giriş sözü ilə açan məktəbimizin direktoru Elsevər Kərimov Şəhid Anar Bahadurovun həyat yoluna nəzər salaraq onun həyat yolu ilə bağlı məlumat verdi.Daha sonra torpaqlarımızın azadlıgı uğrunda canından keçən Şəhidlərimizin xatirələri həmişə qəlbimizdə yaşayacağını qeyd etdi.Eyni zamanda bu tip tədbirlərin şagirdlərin vətənpərvərlik tərbiyəsində mühüm önəm kəsb etdiyini qeyd etdi.Tədbir zamanı şagirdlər anım günü ilə əlaqədar müxtəlif kompozisiyalarla çıxış etdilər.Şəhid Anar Bahadurovun həyatına aid videoçarx nümayiş olundu.
Seyidhüseyn Hüseynov çıxışı zamanı qeyd etdi ki,Şəhidlər ölməz, unudulmaz! İllər keçsə də, gələcək nəsillər onları hər zaman böyük minnətdarlıq duyğusu ilə yad edəcəklər. Şəhidlərin davamçısı varsa, xatirələri hər yerdə anılırsa, deməli, onlar ölməyib, ürəklərdə daim yaşayırlar. Hər birimizin vətəndaşlıq borcudur ki, şəhidlikləri ilə bizə qələbə sevinci yaşadan bu oğullarımızı daim qəlbimizdə yaşadaq.
Allah rəhmət eləsin!

#sabirabad5nömrəliməktəb #ŞəhidAnarBahadurov #İldönümü #MilMuğanRTİ