ខែទីពីរនៃការមានផ្ទៃពោះ

Описание: ខែទី២នៃគ៌រ
អ្វីដែលអ្នកម្តាយអាចជួបប្រទះក្នុងខែទី២នៃការមានផ្ទៃពោះ ក្នុងខែទីពីរនៃការមានផ្ទៃពោះ ទារកកំពុងលូតលាស់យ៉ាងលឿន ប៉ុន្តែរាងកាយរបស់អ្នកម្តាយក៏មានការប្រែប្រួលច្រើនគួរឱ្យកត់សម្គាល់ផងដែរ។ ខាងក្រោមនេះគឺជាបញ្ហាទូទៅមួយចំនួនដែលអ្នកម្តាយអាចនិងជួបប្រទះ៖
១. អាការៈក្អួតចង្អោរ (Morning Sickness)៖ អាការៈនេះអាចកើតឡើងគ្រប់ពេល មិនមែនតែពេលព្រឹកនោះទេ វាអាចកើតឡើងពេលឃ្លានខ្លាំង ឆ្អែតខ្លាំង ឬ ក្លិន ដេលធ្វើអោយអារម្មណ៍មិនស្រយល ។ ហើយអាការះទាំងនេះគឺវាបណ្តាលមកពីការកើនឡើងអ័រម៉ូនក្នុងខ្លួនរបស់អ្នកម្តាយ។
២.អស់កម្លាំង និងងងុយគេងខ្លាំង៖ ព្រោះក្នុងរយះពេលនេះរាងកាយរបស់អ្នកកំពុងប្រើប្រាស់ថាមពលច្រើនដើម្បីទ្រទ្រង់ការលូតលាស់របស់ទារកតើបបន្តាលងោយអ្នកម៉ែមានអាម្មណ៍អស់កំលាំងនិងងងុយគេង។
៣.ឈឺសុដន់៖ សុដន់របស់អ្នកអាចមានអារម្មណ៍ឈឺ អួល ចុក និងរីកធំជាងមុនជាបណ្តើរៗ ដែលនេះជាការងារនិងតួនាទីរៀបចំសម្រាប់ផលិតទឹកដោះនៅពេលបន្ទាប់។
៤.ការប្រែប្រួលអារម្មណ៍៖ វាកើតឡើងមកពីអ័រម៉ូនមានការប្រែប្រួលវាអាចធ្វើឱ្យអារម្មណ៍របស់អ្នកប្រែប្រួលលឿន ពេលខ្លះសប្បាយចិត្ត ពេលខ្លះពិបាកចិត្ត ពេលខ្លះឆាប់ខឹង ហើយពេលខ្លះទៀតមួម៉ៅមិនទៀងទាត់។
៥.ចំណង់អាហារប្លែកៗ៖ អ្នកម៉ែអាចមានអារម្មណ៍ប្លែកថាចង់ញ៉ាំរបស់ដែលមិនធ្លាប់ញ៉ាំ និងមិនចូលចិត្ត ឬមិនចង់ញ៉ាំអាហារដែលធ្លាប់ចូលចិត្តឬ ចាញ់ក្លិនចំណីអារហារ។
៦.ឧស្សាហ៍បត់ជើង៖ ពេលនេះកូនចាប់ផ្តើមរិកលូតលាស់ ស្បូនក៏ចាប់ផ្តើមរីកធំដូចគ្នារ ហើយរីកធំនេះអាចប៉ះប៉ាល់ឬសង្កត់ទៅលើប្លោកនោម ធ្វើឱ្យអ្នកនោមញឹកញាប់ជាងមុន។
អ្វីដែលអ្នកម្តាយគួរការពារ និងយកចិត្តទុកដាក់
ដើម្បីឱ្យការមានផ្ទៃពោះដំណើរការល្អ និងមានសុវត្ថិភាព អ្នកម្តាយគួរអនុវត្តន៍ការថែរក្សារសុខភាពអោយបានត្រឹមត្រូវ ៖
១.អាហារូបត្ថម្ភ៖ ទទួលទានអាហារដែលសម្បូរទៅដោយសារធាតុចិញ្ចឹមដូចជា អាស៊ីតហ្វូលិក (Folic Acid), ជាតិដែក, កាល់ស្យូម និង ប្រូតេអ៊ីន។
បរិភោគបន្លែផ្លែឈើស្រស់ឱ្យបានច្រើន និងកាត់បន្ថយអាហារកែច្នៃ ខ្លាញ់ និងជាតិស្ករ។ សារទឹកឱ្យបានគ្រប់គ្រាន់ដើម្បីជៀសវាងការខ្សោះជាតិទឹក។
២.សុខភាព និងការរស់នៅ៖
គេងឱ្យបានគ្រប់គ្រាន់៖ ព្យាយាមគេងពី ៧ ទៅ ៩ ម៉ោងក្នុងមួយថ្ងៃ។
ហាត់ប្រាណស្រាលៗ៖ ដូចជាការដើរ ឬយូហ្គា តាមដានការណែនាំពីគ្រូពេទ្យ។
ជៀសវាង៖ ការជក់បារី ផឹកស្រា គ្រឿងញៀន និងភេសជ្ជៈកាហ្វេអ៊ីនច្រើនពេក។
ប្រយ័ត្ន៖ កុំលើករបស់ធ្ងន់ៗ និងជៀសវាងសកម្មភាពដែលគ្រោះថ្នាក់។
ការពិគ្រោះជាមួយគ្រូពេទ្យ៖
ទៅពិនិត្យផ្ទៃពោះឱ្យបានទៀងទាត់៖ គ្រូពេទ្យនឹងជួយតាមដានសុខភាពរបស់អ្នក និងទារក។
ពិគ្រោះជាមួយគ្រូពេទ្យមុនប្រើថ្នាំ៖ កុំប្រើថ្នាំដោយខ្លួនឯង ព្រោះថ្នាំមួយចំនួនអាចប៉ះពាល់ដល់ទារក។
ប្រសិនបើអ្នកមានចម្ងល់ ឬអាការៈណាមួយខុសប្រក្រតី គួរប្រញាប់ទៅពិគ្រោះជាមួយគ្រូពេទ្យជំនាញ ដើម្បីទទួលបានការណែនាំត្រឹមត្រូវ និងមានសុវត្ថិភាព។ អគុណសូមជូនពរអ្នកម៉ែមានសុខភាពល្អ!