សូមអញ្ជេីញទស្សនាវីដេអូ ស្តីពីកិច្ចប្រជុំនៃក្រុមការងារបច្ចេកទេសនៃក្រសួងទាំង២ ជុំវិញករណីផ្ទេរកន្លែង

Описание: ស្ថានភាពរបស់គ្រូបង្រៀនដែលមានបំណងផ្ទេរកន្លែងបំពេញការងារ ការទទួលបានការអប់រំរបស់សិស្សានុសិស្សដែលកំពុងសិក្សានៅតាមតំបន់នានាទូទាំងប្រទេស និងបរិបទនៃការកែទម្រង់រដ្ឋបាលសាធារណៈ គឺជាប្រធានបទដែលក្រុមការងារបច្ចេកទេសនៃក្រសួងមុខងារសាធារណៈ និងក្រសួងអប់រំ យុវជន និងកីឡា បានជួបពិភាក្សាគ្នាពិគ្រោះយោបល់ និងរកដំណោះស្រាយសមស្របណាមួយ ជុំវិញករណីផ្ទេរកន្លែងការងាររបស់គ្រូបង្រៀន។

ការពិភាក្សានេះធ្វេីឡេីងក្រោយមានការណែនាំដោយខ្ពង់ខ្ពស់របស់សម្តេចមហាបរវធិបតី ហ៊ុន ម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជា នៅក្នុងសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងមុខងារសាធារណៈ និងក្រោមការចង្អុលបង្ហាញដ៏ខ្ពង់ខ្ពស់របស់ឯកឧត្តមឧបនាយករដ្ឋមន្ត្រី ហ៊ុន ម៉ានី។

គួររម្លឹងផងដែរថា យោងតាមលិខិតលេខ ៥២៦៧/២៣ មស.តផ ចុះថ្ងៃទី២៩ ខែកញ្ញា ឆ្នាំ២០២៣ បានបញ្ជាក់ចំនួន២ចំណុច ដោយចំណុចទី២ បានរៀបរាប់ថា​ ក្រសួងមុខងារសាធារណៈនឹងពិនិត្យ​ និងផ្តល់ទិដ្ឋាកាចំពោះសំណេីផ្ទេរនិងផ្លាស់ប្តូរការងារក្នុងករណីដូចខាងក្រោម៖
-មន្ត្រីរាជការកំពុងបម្រេីការងារក្នុងក្រសួង​ ស្ថាប័នមួយហេីយបានប្រឡងជាប់ក្នុងក្របខ័ណ្ឌក្រសួង​ ស្ថាប័នដែលសាមីមន្ត្រីបានប្រឡងជាប់

-មន្ត្រីរាជការដែលត្រូវបានតែងតាំងក្នុងមុខតំណែងនយោបាយដូចជា​ រដ្ឋលេខាធិការ​ អនុរដ្ឋលេខាធិការ​ និងមន្ត្រីខុទ្ទកាល័យរបស់ថ្នាក់ដឹកនាំកម្រិតនយោបាយ​ និងក្នុងមុខតំណែងមុខងារសាធារណៈ​ ជាអភិបាលនៃគណៈអភិបាលខេត្ត​ អភិបាលរងខេត្ត​ ក្រុង​ ស្រុក​ ខណ្ឌ​ ឬមុខតំណែងប្រហាក់ប្រហែលផ្សេងទៀតដែលត្រូវផ្ទេរក្របខ័ណ្ឌ​ និងការបេីកបៀវត្សនៅក្រសួង​ ស្ថាប័ន​ និងអង្គភាពថ្មី

-ការផ្ទេរ​ និងផ្លាស់ប្តូរកន្លែងការងារ​ ក្នុងក្រសួង​ ស្ថាប័នតែមួយ​ ដែលជួយដល់ការពង្រាយមន្ត្រីទៅតំបន់ដែលកំពុងប្រឈមកំពុងប្រឈមនឹងបញ្ហាខ្វះមន្ត្រី (តំបន់ក្រៅទីប្រជុំជន)​ ក្នងរូបភាពដូចខាងក្រោម៖
ក.​ ការផ្ទេរឆ្លងអង្គភាពពីថ្នាក់ជាតិទៅថ្នាក់ក្រោមជាតិ
ខ.​ ការផ្ទេរពីរាជធានី ទៅខណ្ឌ និងទៅខេត្ត
គ.​ ការផ្ទេររវាងខេត្ត និងខេត្ត (មិនអនុញ្ញាតឱ្យផ្ទេរចូលរាជធានីភ្នំពេញ)
ឃ.​ ការផ្ទេរពីខេត្ត ទៅក្រុង ស្រុក។

សូមអញ្ជេីញទស្សនាវីដេអូ ស្តីពីកិច្ចប្រជុំនៃក្រុមការងារបច្ចេកទេសនៃក្រសួងទាំង២ ជុំវិញករណីផ្ទេរកន្លែងការងាររបស់គ្រូបង្រៀន។