Ep-03 ដំណើរកម្សាន្តទៅទស្សនានៅប្រាសាទរាជវិហារ ប្រាសាទតាព្រហ្ម សកលវិទ្យាល័យតាវិទ្យាសាស្ត្រអង្គរ

Описание: ប្រាសាទតាព្រហ្ម ជាប្រាសាទមួយដែលបានកសាងឡើងក្នុងរជ្ជកាល ព្រះមហាក្សត្រមួយអង្គព្រះនាម ជ័យវរ្ម័នទី៧ នៅចុងសតវត្សទី១២ ក្នុងអំឡុងឆ្នាំ ១១៨៦ គ.ស ដើម្បីឧទ្ទិសថ្វាយដល់ព្រះមាតារបស់ព្រះអង្គក្រោមរូបភាពជាប្រាជ្ញាបរមិតា។
បើតាមឮអ្នកស្រុកហៅប្រាសាទនេះ ជួនថា «តាព្រហ្ម» ជួនថា «បន្ទាយតាព្រហ្ម»។ ការហៅថា «បន្ទាយតាព្រហ្ម» គឺសំដៅទៅលើប្រាសាទនេះមានកំពែងព័ទ្ធជុំវិញ។ រីឯការហៅថា «តាព្រហ្ម» ជាឈ្មោះដែលនិយមហៅឥឡូវ ហើយតាមការយល់របស់អ្នកស្រុក គឺសំដៅលើតាព្រហ្មដែលមានមុខបួន។ ប៉ុន្តែទោះជាយ៉ាងណា ក៏ប្រាសាទនេះមានឈ្មោះដើមជាភាសាសំស្ក្រឹតមួយដែរថា រាជវិហារ ។