තුනටිය ප්‍රදේශයේ කැක්කුම වැඩි ද?නැමිලා වැඩ කරන්න අමාරු ද?

Описание: ඔබටත් තුනටියෙන් පහළ ඉවසීමට නොහැකි වේදනාවක් තිබේද?
තුනටිය ප්‍රදේශයෙන් පටන් ගෙන කකුල් වල පිටුපස ප්‍රදේශය දිගේ පහලට මහපටැඟිල්ල දක්වා පවතින වේදනාවකින් ඔබත් පීඩා විඳ ඇත්නම් හෝ එම රෝගයෙන් දැනටමත් ඔබ පීඩා විඳිනවානම් මෙම ලිපිය ඔබට ඉතාමත් වැදගත් වන බව නොඅනුමානයි.
කොඳු ඇටපෙළ ආශ්‍රිතව ඇතිවන රෝග අතරින් ප්‍රධානතම රෝගයක් ලෙස මෙම රෝග තත්වය හැඳින්විය හැකිය. මෙහිදී රෝගියාගේ කොඳු ඇට පෙළෙහි පහල ප්‍රදේශයෙන් ආරම්භවන වේදනාව පාද වල වළලුකර හෝ ඇඟිලි දක්වාම ගමන් කිරීම සිදුවේ. ඇතැම් විට මෙම වේදනාව ඉතා තීව්‍ර වන අතර රෝගියා ඉමහත් අපහසුතාවයකට පත්වේ.
මෙම රෝග තත්වය ආයුර්වේදයේ ‘ගෘධ්‍රසි‘ ලෙස හඳුන්වයි. එලෙස හැදින්වීමට හේතුව වනුයේ මෙම රෝග තත්වයෙන් පෙලෙන රෝගියාගේ ගමන ගිජුලිහිණියෙකුගේ ගමන් විලාශයට සමාන වන හෙයිනි.
මෙහෙදී සිදුවන්නේ කොඳු ඇට පෙළෙහි පහල ප්‍රදේශයෙන් ආරම්භ වන පාද වලට ස්නායු සැපයුම සිදු කරන සයටික් ස්නායුව (Sciatic Nerve) තෙරපීමකට ලක් වීමයි. මෙම රෝගයට නිවැරදිව ප්‍රතිකාර නොකිරීම නිසා පසුකාලීනව පාද ආශ්‍රිත හිරිය වැනි තත්ව ද ඇතිවීමට හැකිය.
ගෘධ්‍රසි රෝගී තත්වය බටහිර Sciatica යන රෝගී තත්වයට බොහෝ සෙයින් සමාන ලක්ෂණ පෙන්නුම් කරයි.

මෙම රෝග තත්වය ඇතිවීමට හේතු

බොහෝ වේලාවක් සිටගෙන සිටීම
බොහෝ දුර පයින් ගමන් කිරීම
ගැස්සෙන වාහනවල නිතර ගමන් කිරීම
උදා:- යතුරු පැදි, ත්‍රී රෝද රථ ආදී
අධික වෙහෙසකර ශාරීරික ව්‍යායාම වල නිරතවීම
අධික ලෙස බර වැඩ වල නිරත වීම
වැරදි ඉරියව් (එකම ඉරියව්වකින් බොහෝ වේලාවක් සිටීමද හේතු වේ)
හදිසි අනතුරු.(වැටීම, කොන්ද ප්‍රදේශයට තද පහරක් වැදීම වැනි)
වයස්ගත වීමත් සමඟ ඇතිවන අස්ථි ගෙවීම් (Degenerative Diseases )
කොඳු ඇට පෙළ ආශ්‍රිත ශල්‍ය කර්මයකින් පසු
දරු ප්‍රසූතියකට පසු
සමහර පිළිකා තත්ත්ව (Malignant or Benign Tumor)
පෝෂ්‍යදායක ආහාර නොගැනීම
සවස් කාලයේ සිසිල් ජලය ස්නානය කිරීම
වෙනත් රෝග තත්ව ( osteoporosis)
මේ හේතු නිසා
කශේරුකාවේ අන්තර් කශේරැකා මඬල (කශේරුකා දෙකක් අතර ඇති කොටස) පිටතට නෙරා යාම (intervertibral disc prolapse) හේතුවෙන් ස්නායු තෙරපීමක් ඇතිවිය හැක. මෙමඟින් ස්නායු ගමන් කරනා මාර්ගයේ යම් පීඩනයක් ඇතිවිය හැක.
ස්නායු ගමන් ගන්නා මාර්ගයේ ඇති මාංශපේශිවලට යම් හානියක් සිදුවීමෙන්ද මෙම ස්ථානය පටුවීමක් සිදුව මෙම රෝග තත්ත්වය ඇතිවිය හැක.
Sciatic nerve තෙරපීමෙන් (දනහිස නැවීමකින් තොරව කොන්ද නමා බර එසවීමෙන් කටී කශේරුකා වල ඇතිවන වෙනස්කම් නිසා sciatic nerve තෙරපීමෙන්), ස්නායුව ඇදීමෙන් මෙය ඇති විය හැක.
කශේරුකා අවහන්දි (dislocation) වීමෙන්.
Sciatic nerve හා එහි මූලයන් ආඝාත වීම වැනි හේතු නිසාත්.
ස්නායු දිරාපත් වීම වැනි හේතු නිසාද මෙම රෝගී තත්වය ඇති විය හැකියි.
Dr. Sampath Attanayake
BAMS 1st Class University of Kelaniya
MSc (Bio Statistics) PGIA, University of Peradeniya
MD in General Medicine, NIA, Jaipur, Rajasthan, India

AYU Ayurvedic Hospital
0712684686
https://maps.app.goo.gl/JuMZZx5SXqH7y...