၇။ ရဟန္တာ နှင့် ပုဂ္ဂိုလ်ထူးများ ။ ဖေဇော်ဂျီ

Описание: ဈာန်တရားကွယ်ရင် သာသနာကွယ်မယ်။

ပဉ္စိမေ ဩက္ကမနိယာ ဓမ္မာ သဒ္ဓမ္မဿ သမ္မောသာယ အန္တရဓာနာယ သံဝတ္တန္တိ

ဩက္ကမနိယာ၊ အောက်သို့ သက်ဆင်းစေတတ်သော။ ဣမေ ပဉ္စ ဓမ္မာ၊ ဤငါးမျိုးသောတရားတို့သည်။ သဒ္ဓမ္မဿ၊ ပရိယတ်, ပဋိပတ်, ပဋိဝေဓတည်းဟူသော - သဒ္ဓမ္မသုံးဖြာ သာသနာတော်သုံးရပ်၏။ သမ္မောသာယ၊ မော့လျော့ပျက်စီးခြင်းငှါ။ အန္တရဓာနာယ၊ ပျောက်ကွယ်ဆုံးရှုံးခြင်းငှါ။ သံဝတ္တန္တိ၊ ဖြစ်ကုန်၏။

(ငါးမျိုးပြတယ် အဲ့ထဲက စတုတ္ထတစ်မျိုးက)

ဘိက္ခူ ဘိက္ခုနိယော ဥပါသကာ ဥပါသိကာယော သမာဓိသ္မိံ အဂါရဝါ ဝိဟရန္တိ အပ္ပတိဿာ

ဘိက္ခူ၊ ရဟန်းတို့သည်လည်းကောင်း။ ဘိက္ခုနိယော၊ ရဟန်းမတို့သည်လည်းကောင်း။ ဥပါသကာ၊ ကိုးကွယ်သူအမျိုးကောင်းသားတို့သည်လည်းကောင်း။ ဥပါသိကာယော၊ ကိုးကွယ်သူအမျိုးကောင်းသမီးတို့သည်လည်းကောင်း။ သမာဓိသ္မိံ၊ သမာပတ်ရှစ်ပါး ဈာန်တရား၌။ အဂါရဝါ၊ ရိုသေခြင်းမရှိကြကုန်သည်ဖြစ်၍။ အပ္ပတိဿာ၊ နှိမ်ချတုပ်ဝပ်ခြင်းမရှိကြကုန်သည်ဖြစ်၍။ ဝိဟရန္တိ၊ နေကြကုန်၏။

အဋ္ဌကထာ -

အဋ္ဌ သမာပတ္တိယော အနိဗ္ဗတ္တေန္တော တာသံ ဝါ ပန နိဗ္ဗတ္တနတ္ထာယ ပယောဂံ အကရောန္တော သမာဓိသ္မိံ အဂါရဝေါ နာမ

အဋ္ဌ၊ ရှစ်ပါးကုန်သော။ သမာပတ္တိယော၊ ဈာန်သမာပတ်တရားတို့ကို။ အနိဗ္ဗတ္တေန္တော၊ မဖြစ်စေခြင်းသည်သော်လည်းကောင်း။ ဝါ ပန၊ သို့မဟုတ်။ တာသံ၊ ထိုသမာပတ်ရှစ်ပါး ဈာန်တရားတို့ကို။ နိဗ္ဗတ္တနတ္ထာယ၊ ဖြစ်စေခြင်းငှါ။ ပယောဂံ၊ အားထုတ်ခြင်း လုံ့လကို။ အကရောန္တော၊ မပြုသည်သော်လည်းကောင်း။ သမာဓိသ္မိံ၊ သမာဓိတရား၌။ အဂါရဝေါနာမ၊ ရိုသေခြင်းကင်းသည်မည်၏။

သမာပတ်ရှစ်ပါး ဈာန်တရားတွေ မဖြစ်ပွါးတော့ရင် သို့မဟုတ် ဈာန်ရအောင် လုံ့လကြိုးကုတ် အားမထုတ်တော့ရင် သမာဓိကို မရိုသေခြင်းကြောင့် သာသနာကွယ်လိမ့်မယ်။

ဈာန်တရားကို ကဲ့ရဲ့ နှိမ်ချနေရင်တော့ ဘုရားတရားကို စော်ကားရာပါ ရောက်လိမ့်မယ်။

Credit..... VenProf Doctor Meiktila Khemissara
==========================================

မေး။ သမ္မာသမာဓိသည်ကား မဂ်၏ရှေ့အဖို့၌၎င်း
မဂ်၏ခဏ၌၎င်း သမ္မာသမာဓိသည်သာဖြစ်၏-ဆိုရာဝယ် မဂ်၏ရှေ့အဖို့၊ မဂ်၏ခဏ၌ အဘယ်မည်သော သမ္မာသမာဓိများဖြစ်ကြပါသနည်း အကြောင်နှင့်တကွဖြေဆိုပါ။(ဂဏ္ဌိနှင့်အညီ)

ဖြေ။ သမ္မာသမာဓိစေတသိက်၏ ဝိတက်အစရှိသော ဈာန်အဂ်ါကိုလွန်သဖြင့် ငါးပါးအပြားရှိသည်၏အဖြစ် ပြီးလျှင်မူလည်း သတိစေတသိက် ဝီရိယစေတသိက်တို့သည် လေးပါးအပြားရှိသော သတိပဋ္ဌာန်ကိစ္စ ၊ လေးပါးအပြားရှိသော သမ္မပ္ပဓာန်ကိစ္စကို ပြီးစေကုန်သကဲ့သို့
သမ္မာသမာဓိ၏လေးပါးအပြားရှိသော သမာဓိကိစ္စကို မပြီးစေတတ်သည်၏ဖြစ်ကြောင့်
မဂ်၏ရှေ့အဖို့၌လည်း
ပဌမဈာန်သမာဓိသည် ပဌမဈာန်သမာဓိသာမည်၏။
မဂ်ခဏ၌လည်း ပဌမဈာန်သမာဓိသည် ပဌမဈာန်သမာဓိသာမည်၏။

ဒုတိယဈာန်သမာဓိသည် ဒုတိယဈာန်သမာဓိသာမည်၏။

တတိယဈာန်သမာဓိသည် တတိယဈာန်သမာဓိသာမည်၏။

ထို့အတူ မဂ်၏ရှေ့အဖို့၌လည်း
စတုတ္ထဈာန်သမာဓိသည် စတုတ္ထဈာန်သမာဓိသာလျှင်မည်၏။
မဂ်ခဏ၌လည်း စတုတ္ထဈာန်သမာဓိသည် စတုတ္ထဈာန်သမာဓိသာလျှင်မည်၏-ဤသို့အနက်အဓိပ္ပါယ်ကိုပြခြင်းငှာ " သမ္မာသမာဓိ ပန "အစရှိ​ေသာစကားကိုဆို၏။(ဂဏ္ဌိ၊ ၁၃၂)

အရှင်ဥတ္တမသာရ(ဝိနယပါဠိပါရဂူ)
ပဋိသမ္ဘိဒါမဂ္ဂအဋ္ဌကထာ နှင့် ဂဏ္ဌိပဒ မြန်မာဂုဏ်ထူးကျမ်း(စာမျက်နှာ- ၄၆၁)

ဓမ္မဒါန - အရှင်အဂ္ဂိန္ဒ (မအူပင်)
=====================================

ပညာ နတ္ထိ အဈာယတော။(ဓမ္မပဒ၊၃၇၂)
ဈာန် မရရှိရင် ၊ ဉာဏ်ပညာ မရရှိနိုင်။
ဈာန် ရရှိမှ ၊ ဉာဏ်ပညာ ရရှိမည်။

ဈာန်=ဈာနသမာပတ် ရှစ်ပါး။(ရူပဈာန် လေးပါး ၊ အရူပဈာန်လေးပါး)။
ဉာဏ်ပညာ=ဝိပဿနာ ဉာဏ်ပညာ မဂ်ဉာဏ်ပညာ။

မေတ္တာဖြင့် - ဓမ္မဒါန - အရှင်အဂ္ဂိန္ဒ (မအူပင်)
(၂၃....၅....၂၀၂၃) ၁၃၅၈ ခုနှစ်၊ နယုန်လဆန်း ၅ ရက်၊အဂ္်ါနေ့။
==========================

တော်တော်ခက်တဲ့ ဝိပဿနာ
စတုတ္ထဈာန်၏ အလင်းရောင် မရရင် ဝိပဿနာ ရှုကို ရှုလို့မရဘူး။

စတုတ္ထဈာန်၏ အလင်းရောင် မရရှိပဲ ဝိပဿနာ ရှုလို့ ရတယ်လို့ သင်ပေးနေတဲ့ ကမ္မဋ္ဌာန်းဆရာတို့သည်
အဝီစိငရဲသို့ တွန်းပို့နေကြတာပါ။
( ပညာ နတ္ထိ အဈာတော၊ ဓမ္မပဒ၊ ၃၇၂)

မေတ္တာဖြင့် - ဓမ္မဒါန - အရှင်အဂ္ဂိန္ဒ (မအူပင်)
(၃၀.....၃.....၂၀၂၃)
=====================================

နီဝရဏငါးပါး ပယ်ကွာအောင် မကျင့်နိုင်သေးသ၍ ကာလပတ်လုံး ဝိပဿနာ မရှုနိုင်သေး၊

ဝိပဿနာ မရှုနိုင်သေးသ၍ ကာလပတ်လုံး မဂ်ဉာဏ် ဖိုလ်ဉာဏ် မရသေးပါ။

မေတ္တာဖြင့် - ဓမ္မဒါန - အရှင်အဂ္ဂိန္ဒ (မအူပင်)
(၁၉.....၄.....၂၀၂၃)
==============

န ဟိ ပညာရဟိတာ သမာပတ်တိ ၊
သမာဓိရဟိတာ စ ဝိပဿနာ အတ်ထိ ။

ပညာ(ဝိပဿနာပညာ၊မဂ်ပညာ)ကင်းသော (ဈာန်)သမာပတ်သည်မရှိ။
ထို့အတူ သမာဓိ(ဈာန်)ကင်းသော ဝိပဿနာလည်း မရှိချေ ။

ဥပရိပဏ္ဏာသဋီကာ..၄၃၅ ။

Credit....... ရဟန်း ကျော်
🙏🙏🙏
======================================

🙏🙏🙏 ပိဋကတ်အနှစ်ချုပ် ဂါထာတော် 🙏🙏🙏

နတ်ထိ ဈာနံ အပညဿ၊
ပညာ နတ္ထိ အဈာယတော။
ယမှိ ဈာနဉ္စ ပညာစ၊
သ ဝေ နိဗ္ဗာနသန္တိကေ။ (ဓမ္မပဒ၊ ဂါထာ၊ ၃၇၂)

အပညဿ=ဝိပဿနာပညာ မဂ်ပညာ မရရှိသော ​​ယောဂီအား။
ဈာနံ=သမာပတ်ဈာန်သည်။
နတ္ထိ=မရှိ။
အဈာယတော=သမာပတ်ဈာန် မရရှိသော ယောဂီအား။
ပညာ=ဝိပဿနာပညာ မဂ်ပညာသည်။
နတ္ထိ=မရှိ။
ယမှိ=အကြင်​ ယောဂီ၌။
ဈာနဉ္စ=သမာပတ်ဈာန်ကို၎င်း။
ပညာစ=ဝိဿနာပညာ မဂ်ပညာကို၎င်း။
အတ္ထိ=ရရှိအောင်ကြိုးစားပွားများအားထုတ်၏။
သ သော=ထို ယောဂီသည်။(သမာပတ်ဈာန် ဝိပဿနာပညာ မဂ်ပညာတို့ကို
ရရှိအောင် ကြိုးစား ပွားများ အားထုတ်သော ထို ယောဂီသည်)။
ဝေ=စင်စစ် ဧကန် အမှန် မုချ။
နိဗ္ဗာနသန္တိကေ=နိဗ္ဗာန်နှင့် နီး၏။ (ဓမ္မပဒ၊၃၇၂)

ဈာန်ကိုပယ်ရင် နိဗ္ဗာန်နှင့် ဝေးပြီး
စင်စစ်ဧကန်အမှန်မုချ အဝီစိငရဲနှင့် နီး၏။
======================================
ဤဓမ္မဒါန ကုသိုလ်ထူးကြောင့်
အဓမ္မကွယ်ပြီး
မြန်မာနိုင်ငံကြီး
ကပ်ကြီးသုံးပါး ဘေးမှ
အမြန်ဆုံး လွတ်မြောက်ပါစေ။
မေတ္တာဖြင့်
ဓမ္မဒါန - အရှင်အဂ္ဂိန္ဒ (မအူပင်)
၁၃၈၅ - ခုနှစ်၊ ဒု - ဝါဆို လဆန်း ၄ ရက် ၊ သောကြာနေ့ ​ ။ (21 JULY 2023).