Totò: 'A CUSCIENZA - Le videopoesie di Gianni Caputo

Описание: Le più belle poesie napoletane - Totò: 'A CUSCIENZA - Le videopoesie di Gianni Caputo
Si precisa che - Non avendo potuto richiedere esplicita autorizzazione per l'utilizzo del testo - Il video sarà immediatamente rimosso dal canale su semplice segnalazione o richiesta in tal senso da parte dell'autore medesimo o di chi ne rappresenta gli interessi legittimi.
Vurria sapé’ ched’è chésta cusciénza
ca spisso aggio sentuto ’e nnummenà’;
stóngo speruto ‘e fa’ la conoscenza.
Spiecàteme che vvo' significà’.

Aggio spiato a nu maésto 'e scòla
ca tène scòla all'università.
M'ha ditto: “Figlio mio, questa parola
si usava si, ma tantu tiémpo fa.

Ora la coscienza si è disintegrata
pochi sóngo rimasti ‘e chilli llà
ca a ‘sta paròla réstano attaccate
campanno con onóre e dignità.

Mo c'è l'assegno a vuoto, il peculato,
‘a cambialètta e chésti ccòse ccà;
mariuóle ce ne stanno a tunnellate
'e tutt’e spèci e, ‘e tutt‘e qqualità.

'O Piccirillo, 'o gruosso, 'o gigantesco,
chille ca sanno comm'anna arrubbà;
e chi 'i denunzia a chiste, chi s’ammésca,
so piézze gruósse, nè chi t'o ffa fà'.

Mo ll'uóglio ô ffanno c’ô ssapone e’piazza
‘o burro ‘mmócca te fa’ vummecà’
‘a pasta, ‘o ppane, ‘a carne, cos'e pazze:
si è aumentata la mortalità.

‘E mmedicine po che t’hanno fatto
t’hanno ‘mbriacato pure chelli là:
si sulo nu sciruppo mo t’accatte,
ringrazia a Ddio si siéguite a campà’.

E che vve pòzzo dì' 'e certi ffamiglie
ca a pèlle ‘ncuóllo fanno accapunà:
marito, moglie, mamma, sòra, figlie,
famme stà' zitto, nun me fa’ parlà’.

Perciò - m'ha ritto stu maésto 'e scòla -
sta conoscènza tu pecchè ‘a vuo' fa’?
Nisciuno ‘a iusa chiù chésta paròla;
mò viéne tu e a’ vuo’ ripristinà’.

Insómma tu vuò i’ cóntro corrènte ,
ma sta penzata chi t'â fatta fà’:
‘a gènte 'e mo sulo accussi è cuntènta,
sènza cusciénza pò tirà’ a campà’.”.