Perla e Fushë Studenit – Kompleksi i familjes Hasa që po mahnit çdo vizitor!

Описание: Perla e Fushë Studenit – Kompleksi i familjes Hasa që po mahnit çdo vizitor!
   • Perla e Fushë Studenit – Kompleksi i famil...  


#fushestuden #familjaHASA #DANIELMUCAKU #librazhd

Lexoi dhe realizoi Daniel Mucaku

Hyrja:

Ka vende që nuk kërkojnë fjalë të mëdha për t’u përshkruar, mjafton të jesh aty, të ndjesh ajrin, të dëgjosh zërat dhe të shijosh ushqimin. Fushë Studeni është një nga ato vende. Aty ku peizazhi të lë pa frymë, dhe një kompleks i quajtur Restorant Hasa të fton të përjetosh më shumë se një udhëtim, një kthim tek vetvetja. Nëse dikur ky vend nuk ishte i njohur, sot është kthyer në një destinacion ku tradita dhe mikpritja shqiptare marrin formë të gjallë. Nuk është vetëm një restorant është një histori që gatuhet çdo ditë.

Arjola dhe Altin Hasa, me rrënjë në këtë zonë por që jetojnë në Durrës, vendosën t’i rikthehen vendlindjes për të realizuar ëndrrën e tyre, krijimin e një kompleksi turistik ku mikpritja, ushqimi dhe natyra bëhen një. Vajza e tyre, Albriena Hasa na tregoi për organizimin harmonik të biznesit dhe për planet për zgjerim, që përfshijnë shtimin e dhomave dhe aktiviteteve për vizitorët. Restoranti ndodhet në rrugën kryesore dhe të fton me një atmosferë të ngrohtë. Në kuzhinë, zonja Arjola Hasa përgatit çdo pjatë me dashuri dhe kujdes, duke ndjekur traditën e trashëguar nga gjyshja e saj, zonja Dashurie.

Në thelb të eksperiencës qëndrojnë gatimet tradicionale shqiptare me përbërës lokalë dhe përgatitje të kujdesshme. Mishi i kecit dhe qingjit, jufkat me pulë, qulli me gjalp, pilafi, turshitë dhe supat tradicionale janë disa nga specialitetet që sjellin shijen autentike të shtëpisë. Ndërkohë, Altini kujdeset që çdo gjë të funksionojë në mënyrë të përkryer, nga kuzhina deri te akomodimi.

Kompleksi përfshin 9 dhoma komode me pamje nga natyra, një zonë për kamping dhe një verandë relaksi. Gjithçka është ndërtuar për të ofruar rehati dhe përjetim. Në ditën e xhirimit, një grup miqsh nga Tirana, mes tyre dhe berberi i njohur Xhimi Beqiri, shijuan ambientin dhe gatimet me kënaqësi të veçantë.

Në mbrëmje, atmosfera ndryshon. Muzika tradicionale dhe valle dhe këngë me iso sjellin një ndjesi të fortë komuniteti dhe gëzimi. Restorant Hasa nuk është vetëm një vend ku ti ushqehesh dhe fle. Është një përvojë shqiptare në çdo kuptim, me shije, me ngrohtësi dhe me shpirt. Nëse doni të përjetoni diçka ndryshe dhe të ndaloni pak në natyrën që të mbush shpirtin, restorant Hasa në Fushë Studen është vendi i duhur.