"Nuk i mbaj dot pishën asnjë bashkëpunëtori", Rama për Ballukun: S'e shpall hero, e as viktimë!

Описание: Kryeministri Edi Rama paralajmëroi se fuqia politike (edhe pa qenë në ekzekutiv) dhe votëbesimi i qytetarëve për Belinda Ballukun do të shihet sidomos në zgjedhjet e afërta vendore të Fierit. Rreshtoi edhe arritjet e saj në krye të Ministrisë së Infrastrukturës dhe Energjisë.

“Ajo që di me siguri, si nga të paktat që mban kontaktet me territorin, nuk kam në plan ta shpall as hero e as viktimë sot, dhe uroj që në hetimin e çështjes, Prokuroria të shterrojë çdo pistë që mund të çojë te korrupsioni. Në fund të ditës, gjithkush pas të 18-ave, varet vetëm nga këmbët e veta, me ligj dhe zakon. Ndërkohë, unë si kryeministër, nuk e kam as të mundur, e as të lejuar, qoftë nga ligji apo zakoni, që t’i mbaj pishën asnjë bashkëpunëtori.

Nuk kam ndërmend t’u them që Belinda është një njeri që durohet lehtë në punë, sidomos kur i thota koka që ka të drejtë. Nuk kam jo e jo ndërmend ta shpall të pafajshme për çka akuzohet apo të shkel vijën e kuqe që e kam vizatuar në këtë sallë të nesërmen e miratimit të reformës në drejtësi. Nga ana tjetër, nuk kam ndërmend as që në një moment si ky t’i lë pa përmendur transformimet e mëdha në dy sektorë që ministrja ka ndjekur, pa ndaluar asnjë ditë, gjatë këtyre 6 viteve në vendin tonë janë ndërtuar dhe rindërtuar rreth 1 mijë km të rrjetit rrugor kombëtar!

40 kantiere janë aktualisht të hapura dhe do jenë vlerë e shtuar e Shqipërisë në BE, që nga aksi Elbasan-Rrogozhinë, te Elbasan-Qafë Thana, që po ashtu mbyllet në 2027-ën, duke i vënë në dispozicion Shqipërisë, por edhe NATO-s, Korridorin e VIII.”

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan