Hiala - Rolf Razafindrakoto

Описание: Be ny olom-bizaka, te-hiova fiainana
Mieritreritra fa hoe:"any an-kafa no ho sambatra aho ô"
Mba hevero tsara anie, ny hilaozanao no be
Izay miandry aloha tsy hay fa ny andeha no mahamaika anay

Ka te hiala izaho ô, hifindra toerana
Handeha izaho ô, dia tsy hiverina
Hihetsika aho ô, hanavao hevitra
Ny fandalovako eto an-tany, ho adinon’ny tomany sy ny aloka

Be ny olona mandrevy, te hiaina fianam-bazaha
Ry zareo koa anie mandrevy zavatra hafa hoatran’ny anao ô
Tsy mety faly isika rehetra, na ny manana na ny ritra
Tsy maintsy matin’ny hetahetan’izay tsy mbola anànana

Ka te hiala izaho ô, hiova toerana
Handeha izaho ô, dia tsy hiverina
Hihetsika aho ô, hanavao hevitra
Ny fandalovako eto an-tany, ho adinon’ny tomany sy ny aloka

Be ny olona izay kivy, leo ilay toerana misy an’azy
Mahita sary be loko sy jiro, dia vao mainka maizina ny an’aho ô! Jereo anie i lery, manana an’io, maninona aho no tsy manana
Ny misy ahy ve no tsy mety sa....izaho?Ah te-hiala aho

Ka te hiala izaho ô, dia tsy hiverina
Handeha izaho ô, dia tsy hiverina
Hihetsika aho ô, hanavao hevitra
Ny fandalovako eto an-tany, ho adinon’ny tomany sy ny aloka