Khit Thit Evening News |8 November 2026

Описание: Khit Thit သတင်းဌာန၏ နိုဝင်ဘာ ၈ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ နိုဝင်ဘာ ၈ ရက် ညနေပိုင်းတင်ဆက်ပေးမယ့်သတင်းတွေကတော့

ကုလသမဂ္ဂက တရားဝင်အသိအမှတ်ပြုထားတဲ့ မြန်မာနိုင်ငံရဲ့ သမ္မတဟာ ဦးဝင်းမြင့်ဖြစ်ပြီး ဂျာမနီသံရုံးအနေနဲ့ တွေ့ဆုံခွင့်ရဖို့ ကြိုးပမ်းရာမှာတောင် ခွင့်ပြုချက်မရရှိတာကြောင့် သမ္မတဦးဝင်းမြင့် ဟာ အမှန်တကယ် မလွတ်မြောက်သေးဘူးလို့ ရန်ကုန်မြို့ရှိ ဂျာမနီသံရုံးအကြီးအကဲ Mathias Licharz က ပြောဆိုပါတယ်။

-ကလေးမွေးဖွားစဉ် ဆေးကုသမှုဆိုင်ရာ ပေါ့ဆမှုကြောင့် မိခင်တစ်ဦး သေဆုံးခဲ့တဲ့ဖြစ်စဉ်နဲ့ ပတ်သက်ပြီး မြန်မာနိုင်ငံဆေးကောင်စီက ဆေးကုသခွင့် ၁ နှစ် ပိတ်ပင်အရေးယူထားတဲ့ စစ်ဆေးဆရာဝန် ဒုဗိုလ်မှူးကြီးဟောင်း ထွန်းထွန်းမင်းဟာ ရန်ကုန်မြို့၊ ရန်ကင်းမြို့နယ်ရှိ စစ်တပ်ပိုင် မိုးကောင်းရတနာဆေးရုံမှာ ဆေးကုသမှုတွေ ဆက်လက်လုပ်ကိုင်နေတယ်လို့ သိရပါတယ်။

မန္တလေးတိုင်း၊ ပုသိမ်ကြီးလူငယ်သင်တန်းကျောင်းမှာ ထိန်းသိမ်းခံထားရတဲ့ အသက် ၁၈ နှစ်မပြည့် သေးတဲ့ နိုင်ငံရေးအကျဉ်းသား လူငယ် ၅၀ ခန့်ဟာ အခြေခံစားဝတ်နေရေးနဲ့ ကျန်းမာရေးစောင့်ရှောက် မှုတွေ မရရှိဘဲ ဖိနှိပ်ခံနေရတာကြောင့် ကုလသမဂ္ဂ ကလေးသူငယ်အခွင့်အရေးများဆိုင်ရာ သဘောတူ စာချုပ် (UN CRC) ကို ချိုးဖောက်နေတယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) က ပြောပါတယ်။

အီရန်နိုင်ငံအပေါ် ရေကြောင်းပိတ်ဆို့မှုကို တိုးချဲ့တဲ့အနေနဲ့ ကုန်းလမ်းကုန်သွယ်ရေးလမ်းကြောင်း တွေကနေ စစ်ဘက်နည်းပညာနဲ့ တားမြစ်ပစ္စည်းတွေ သယ်ယူပို့ဆောင်တာကို ဟန့်တားဖို့ အမေရိကန်စစ်တပ်က Task Force Iron Gate အမည်ရှိ အထူးတပ်ဖွဲ့သစ်ကို ဖွဲ့စည်းလိုက်တဲ့ သတင်းအပါအဝင် ညနေခင်းသတင်းတွေကို တင်ဆက်ပေးပါမယ်။