Nga Champions League te Kombëtarja: Besnik Hasi i hapur për sfidën kuqezi-(25 Tetor 2011)

Описание: Lajme Arkiva 2011

Besnik Hasi është një nga emra dhe shumë përfolur për postin e trajnerit të kombëtares shqiptare. Me një karrierë futbolli fillimisht ballkanike e më pas belge 40 vjeçari nga Gjakova është aktualisht ndihmës trajneri i parë i ekipit të parë të njohur të Anderechtit.

Besnik Hasi: “Kam bërë plot 10 vite dmth që jam i punësuar faktikisht me Anderechtin, 6 vite si futbollist i ekipit të parë edhe viti i katërt që jam domethënë ndihmës trajner i parë i ekipit.”

Ka qenë fillimisht ne ekipin e Genkut që Besnik Hasi ka kontribuar me lojën e tij, një kontribut i vlefshëm pasi me pesë vjet ky ekip kalojnë nga kategoria e dytë në kategorinë e parë. Kur trajneri i Genkut kalon te ekipi i Anderechtit ai këkron me insistim Besnik Hasin.

Besnik Hasi: “U futëm në kategorinë e parë, pastaj morëm kupën e Belgjikës, u bëmë kampion dhe në atë periudhë 5 vjetore dmth nga kategoria e dytë arritëm në majat e futbollit belg. Kështu që pas 5 viteve aty në vitin 2000 erdha te Anderechti sepse ... kishte ardhur një vit përpara këtu dhe më donte absolutisht.”

Besniku ka refuzuar oferta të tjera të majme pasi ishte ndërgjegjshëm që të luaje me Anderechtin do të thonte të luaje për Champion League.

Besnik Hasi: “Edhe pse kisha një ofertë shumë të fortë nga Spanja, në San Sebastian luante në Premiera di Vision në atë moment prapseprap erdha te Anderechti sepse e dija që do luaj për trofe, do e shijoj Champions Leaguen ato dhe ja arritëm. Kemi luajtur 5 vite radhazi me Anderechtin në Champion League, ato janë kujtesa shumë të forta dhe më të mira që kam pasur në futboll.”

Pas 10 vjet kontributi Anderecht, Besniku e ndjen veten si në shtëpinë e tij. Sipas thënies së klubit në venat e Besnikut duhet të rriten normalisht gjaku i Anderechtit, por zemra Besnikut është ndërkombëtarja shqiptare, kombëtare në të cilën ai ka luajtur 6 vjet.

Besnik Hasi: “Për mua është një nder shumë i madh domethënë që emri im qarkullon për kombëtaren shqiptare edhe në qoftë se ajo realizohet dmth në të vërtetë për mua kishte qenë një nder shumë i madh që të jem trajner i kombëtares, do ta pranoja me gjithë dëshirë.”
Besniku ka një këndvështrim të qartë për kombëtaren, ai ndalet arsye për të cilat trajnerët e huaj nuk kanë arritur rezultatet e dëshiruara me të.

Besnik Hasi: “Në kombëtaren shqiptare në të kaluarën kishim trajner të huaj edhe pse për mendimin tim nuk ishin trajnerët me më të mëdhaja apo që do na binin ndonjë gjë ekstra vetëm se një gjë pozitive kishin ata, kishin një imazh të mirë në Evropë që neve na duhej faktikisht. Mirëpo ata trajner vinin me një afat të shkurtër dmth dy vjeçar edhe kuptohet që do japin arsye që do kualifikohemi do bëhemi pse faktikisht është presioni te ata për dy vjet të arrij një sukses që ndoshta nuk është në moment nuk kishte realist.”

Ndonëse ai nuk do të zbulojë detajet e strategjisë së tij për kombëtaren nëse do zgjidhet trajneri saj vizioni i Besnikut flet për një punë afatgjatë me talentet e reja shqiptare.
Besnik Hasi: “Është saktë dhe sigurt të gjitha vendet shtetet e vogla domethënë për mua duhet punojnë në më një cikël afatgjatë dmth që të krijosh sa më tepër futbollistët që do mbartin dmth atë barrën në në ekipin kombëtar. Unë jam i mendimi që duhet të punojmë me moshat e reja edhe pse ndjej shumë gjëra pozitive me moshat e reja në Shqipëri. Atëherë duhet ta shfrytëzojmë atë, të punojmë me kohë me me këta çuna që kanë talentin e duhur dhe të krijojmë një ekip të fortë, dinjitoz që mund të jetë kompetitiv në eliminatoret e ardhshme edhe pse të kesh ambicien për shembull që është një hap përpara, një hap përpara nuk do të jetë sepse euforia na mbërthen neve shqiptarëve nganjëherë kur fitojmë dy ndeshjet dhe u kualifikuam, do shkojmë edhe pastaj humbin dy tjera dhe jemi shumë të dëshpëruar edhe pastaj kjo nuk është një rrugë, them që duhet bërë hap pas hapi edhe që të kesh ngritje domethënë çdo vit.”

Nëse emri i tij konfirmohet si trajneri ekipit kombëtar të Shqipërisë një çështje e sigurt Besniku do të ofrojë energji të pashtershme, por ai e di se kjo detyrë e re do të jetë e vështirë pasi publiku shqiptar pret shumë nga kombëtarja./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/