محمد الفتلاوي | ماحسك غريب

Описание: كلمات : الشاعر ايهاب الزيادي
♦️ الحسابات الرسمية ♦️ محمد الفتلاوي
https://hyperfollow.com/MohammadFatlawi
F-STUDIO2023 All rights reserved@
ماحسك غريب وعايش إبدمي ..
اشتم الهوه من عندك اليمي
عفت سر الحياة انته الحياتي
حسين وماكو غيرك صار اغاتي
..........
انته احسين ملك الوادم الحرة
انته الينفهم للناس ع الفطرة
يل عندك سوالف ترست التاريخ
بس عندك تواضع عاش بالفقره

احس اليحجي بيك ايسولف البيه
يالذكرك علاج الروحي يوميه
مقصر ياحسين وكون اموت وياك
وعيالي ويه ضعنك تمشي مسبيه

خادم الك دوم وصار هذا اسمي
اشتم الهوه من عندك اليمي

————
احسين ابحبك الخدام مجنونه
كل خادم يذكرك تدمع اعيونه
اليم بابك ويذكر زينبك والسوط
مايدخل وأله امطيح امتونه

ضوه الدنيه انطفه لمن طلع نورك
يسلطان الخلك كلهه بأمر شورك
كل اليختنك مولاي يكصد ليك
يحس داخل للجنه الداخل أيزورك

يالحنيه شايل اكثر من امي
اشتم الهوه من عندك اليمي
—————
ماابرد ابحبك سيدي وماتوب
يالتارسني خير وحضرتك مسلوب
مارجعت ايديه ابيوم من انخاك
رغم مامعتنيك وجان كلي اذنوب

يالمنطيني كلشي وكلشي مامنطيك
يحسين اليحبك لازم أيجازيك
ماعدنه بعد غير الدمع والنوح
لو نملي الفرات ادموع مانوفيك

يالوذرت جسمك والسلم جسمي
اشتم الهوه من عندك اليمي 
....
ياقرأن يالكملت نهج الدين
ياثورة احرار وباقيه أمن اسنين
لازم دوم حبك بعد حب الله
ماينقبل دين الفارغ أمن احسين

لو مو انته ماينخلق هذا الكون
ولايحجي لسان ولا تشوف اعيون
وكل هاي البشر مخلوقه لجل احسين
الله ايكول خالقكم اله تخدمون

خالقني وبحبك زاد من عزمي
اشتم الهوه من عندك اليمي
———-
من تخلص الدنيه اهناك نتلاكة
راح اتشوف كل الشيعه مشتاكة
حتى الجنه تفتح باب للزوار
اتصيح اتفضلو ياهلا بعشاكة

باجر يمك العباس عنده اجفوف
مامصيوبه عينه بالحشر ويشوف
بيده الدفتر وينضر عله الخدام
بس المايحبك صوفر من الخوف

بس تقبلني عبدك هذا كل حلمي
اشتم الهوه من عندك اليمي