Goota Kaarraa Maarraa K/ Alii Barkee seenaasaaniifi turtii isaan kanaan dura OBN waliin taasisan

Описание: Alii Barkee Tuuchoo Godina Wallagga Lixaa Aanaa Beegii ganda qonnaan bulaa Teenzee jedhamtutti bara 1943tti dhalatan.

Barnoota isaanii sadarkaa 1ffaa achuma iddoo itti dhalatanitti kan hordofan yoo ta’u, waamicha birmadummaa biyyaaf taasifameen bara 1969’tti leenjii loltummaa buufata Taaxeq jedhamutti fudhachuun weerara mootummaa abbaa irree Somaaliyaa Ziyaad Baarrree karaa bahaafi kibba bahaan daangaa biyyaa cabse deebisuuf yeroo duulametti nama seenaa olaanaa hojjetan turan.

Alii Barkee Tuuchoo waraana Mootummaan Somaaliyaa yeroo sanaa Itiyoophiyaarratti baneen deeggarsa meeshaalee ammayyaa hedduu qabuun miseensota raayyaa ittisaa Itiyoophiyaatti marse nama boombii harkaa sadiin karaa bane baase jedhamuun leellifamu.

Yeroo sanatti gootni Alii Barkee waraana Ziyaad Baarree taankiifi meeshaalee ammayyaan deeggaramee lafa Itiyoophiyaa weeraruuf Konyaa Gursum iddoo addaa Awushariif jedhamutti miseensota raayyaa ittisaatti marsetti boobbii sadii qofaan quuqama biyyummaafi tooftaan Taankii shan barbadeessuun waraana Ziyaad Baarree duubatti deebisuun miseensota marfaman miidhaarraa baraaranii turan.

Hojii gootummaa isaanii kanaanis Bulchaa Itiyoophiyaa yeroo sanaa Koloneen Mangistuu Hayilemaariyaamirraa Meedaliyaa 1ffaa gootni waraanaa badhaafamu fudhataniiru.

Odeeffannoon Wayitaawaan bakka jirtanitti akka isin dhaqabuuf fuula miidiyaa hawaasaa OBN irraa odeeffannoo wayitaawaa argachuu yoo feetan:
Yuutuubii: Youtube.com/OBNoromiyaa?sub_confirmat...
Feesbuukii Afaan Oromoo:   / obnafaanoromo  
Raadiyoo OBN https://zeno.fm/radio/obnradio/
Tiwiiterii:   / obnoromiyaa  
Feesbuukii Afaan Amaaraa:-   / obnamharic  
Feesbuukii Afaan Ingilizii:-   / obnenglish  
Teeleegraamii:https://t.me/OBN_VoiceOfthepeople
Yeroo hunda waan nu waliin jirtaniif ulfaadhaa.
OBN Sagalee Uummataa.