Aleatët e PS kërcënim Ramës: Do të dalim nga koalicioni nëse s’ka korrektim zgjedhor-(26 Mars 2012)

Описание: Lajme Arkiva 2012

Partia Socialiste me të gjitha gjasat do të shkojë e vetme në zgjedhjet e ardhshme parlamentare. Një tjetër aleat i Partisë Socialiste deklaron se nëse reforma zgjedhore nuk përfshin korrektimin e sistemit zgjedhor do të shkëputet nga koalicioni me të. Nard Ndoka i Partisë Demokristiane thotë se Rama po bën një lojë të dyfishtë, nga njëra anë duke iu premtuar aleatëve se do të kërkojë me forcë në komisionin e reformës zgjedhore të miratohen kërkesat e tyre kryesore dhe nga ata tjetër duke bashkëpunuar me demokratët për interesa mirëfilli personale.
Nard Ndoka: “Partia Socialiste po punon me 2 standarde. Është e hapur pro korrektimit kombëtar përballë një skeme të qartë për pjesën e korrektimit. Dhe kjo krijon një problem me, jashtëzakonisht të madh po them në koalicionin opozitar, mbi të ardhmen e tij, mbi bashkëpunimin tonë institucional. Konfuze çfarë kam përshtypjen që do ti kushtojnë mjaft... në radhë të parë vetë Partisë Socialiste. Duke iu përshtatur Kodit Zgjedhor edhe grupimet jashtë Partisë Socialiste do të shikohen si mundësi nga ana e partisë demokristiane.”
Ndoka shpreh hapur pakënaqësi për mënyrën sesi kryesocialisti po drejton opozitën.
Nard Ndoka: “Partia Socialiste është e paqartë, jo vetëm për reformën zgjedhore , por është e paqartë edhe në ndërtimin e koleksioneve në një strategji sesi e mendon Partia Socialiste që të fitohen zgjedhjet e ardhshme, sesi kthehet në një alternativë qeverisje dhe ky është problemi kryesor që i shqetëson tashmë të gjitha partitë politike opozitare. Pra Partia Socialiste merret më tepër me politikën e ditës, tërhiqet në njëfarë mënyre nga Partia Demokratike hap pas hapi në orekset dhe dëshirat dhe në ato pikësynimet që Partia Demokratike ka për Kodin Zgjedhor, pra është më tepër viktimë e politikës së Partisë Demokratike.”
2 aleatë të tjerë të selisë rozë, Vangjel Dule dhe Paskal Milo kanë deklaruar për televizionin Klan se do të dalin nga koalicioni me Partinë Socialiste nëse reforma zgjedhore nuk parashikon korrektim kombëtar të sistemit aktual, proporcionalit rajonal./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/